Samsung Galaxy S20 FE സ്മാര്‍ട്ട്ഫോണ്‍ പുറത്തിറങ്ങി
സാംസങിന്‍റെ (Samsung) ഏറ്റവും വില കുറഞ്ഞ ഫ്ലാഗ്ഷിപ്പ് സ്മാര്‍ട്ട്ഫോണായ ഗാലക്സി എസ്20 എഫ്‌ഇ (Samsung Galaxy S20 FE) പുറത്തിറങ്ങി.
സാംസങിന്‍റെ (Samsung) ഏറ്റവും വില കുറഞ്ഞ ഫ്ലാഗ്ഷിപ്പ് സ്മാര്‍ട്ട്ഫോണായ ഗാലക്സി എസ്20 എഫ്‌ഇ (Samsung Galaxy S20 FE) പുറത്തിറങ്ങി.
ഈ സ്മാര്‍ട്ട്ഫോണ്‍ 6 ജിബി റാം + 128 ജിബി, 8 ജിബി + 128 ജിബി, 8 ജിബി + 256 ജിബി എന്നീ സ്റ്റോറേജ് വേരിയന്റുകളില്‍ ലഭ്യമാകും. ഗാലക്സി എസ്20 എഫ്‌ഇ ആന്‍ഡ്രോയിഡ് 10 ബേസ്ഡ് യുഐ 2.0ലാണ് പ്രവര്‍ത്തിക്കുന്നത്.
ക്ലൌഡ് റെഡ്, ക്ലൌഡ് ഓറഞ്ച്, ക്ലൌഡ് ലാവെന്‍ഡര്‍, ക്ലൌഡ് മിന്‍റ് , ക്ലൌഡ് നേവി, ക്ലൌഡ് വൈറ്റ് എന്നീ നിറങ്ങളിലാണ് ഈ സ്മാര്‍ട്ട്ഫോണ്‍ ലഭ്യമാവുക. ട്രിപ്പിള്‍ ക്യാമറ സെറ്റപ്പുള്ള ഗാലക്സി എസ്20 ഫാന്‍ എഡിഷന്‍ സ്മാര്‍ട്ട്ഫോണിന്‍റെ പ്രൈമറി ക്യാമറ എഫ് / 1.8 വൈഡ് ആംഗിള്‍ ലെന്‍സുള്ള 12 മെഗാപിക്സല്‍ പ്രൈമറി സെന്‍സറാണ്. 12 മെഗാപിക്സല്‍ അള്‍ട്രാ-വൈഡ് ആംഗിള്‍ ഷൂട്ടര്‍, 8 മെഗാപിക്സല്‍ ടെലിഫോട്ടോ ഷൂട്ടര്‍ എന്നിവയാണ് മറ്റ് ക്യാമറകള്‍. ഫോണിന്റെ മുന്‍വശത്ത് 32 മെഗാപിക്സല്‍ സെല്‍ഫി ക്യാമറയാണ് നല്‍കിയിട്ടുള്ളത്.
20:9 അസ്പാക്‌ട് റേഷിയോ, 120Hz റിഫ്രഷ് റേറ്റ് എന്നീ സവിശേഷതകളുള്ള ഡിസ്പ്ലെയ്ക്ക് കോര്‍ണിംഗ് ഗോറില്ല ഗ്ലാസ് 3 പ്രോട്ടക്ഷനും ഉണ്ട്. 6.5 ഇഞ്ച് ഫുള്‍ എച്ച്‌ഡി + (1,080×2,400 പിക്‌സല്‍) സൂപ്പര്‍ അമോലെഡ് ഇന്‍ഫിനിറ്റി-ഒ ഡിസ്‌പ്ലേയാണ് ഡിവൈസില്‍ ഉള്ളത്. ഒക്ടാകോര്‍ എക്‌സിനോസ് 990 എസ്‌ഒസി ആണ് ഗാലക്‌സിയുടെ എസ്20 എസ്‌ഇയുടെ 4ജിയ്ക്ക് കരുത്ത് നല്‍കുന്നത്.
ഗൈറോസ്‌കോപ്പ്, ഹാള്‍ സെന്‍സര്‍, പ്രോക്‌സിമിറ്റി സെന്‍സര്‍, ആക്‌സിലറോമീറ്റര്‍, ആംബിയന്റ് ലൈറ്റ് സെന്‍സര്‍ എന്നിവയാണ് ഡിവൈസിലുള്ള സെന്‍സറുകള്‍. ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സറും ഫോണിലുണ്ട്.
Also read: Kerala Startup Mission: കേരള സ്റ്റാര്‍ട്ടപ് BestDoc-ല്‍ 16 കോടിയുടെ നിക്ഷേപം
190 ഗ്രാം ആണ് ഊ സ്മാര്‍ട്ട്ഫോണിന്‍റെ ഭാരം. സാംസങ് ഗാലക്സി എസ്20 എഫ്‌ഇ സ്മാര്‍ട്ട്ഫോണിന്‍റെ വില 699 ഡോളര്‍ (ഏകദേശം 51,400 രൂപ) മുതലാണ് ആരംഭിക്കുന്നത്.