സ്പീക്ക്ആപ്പ്: പറയാനൊരു ആപ്പ്; ശബ്ദാധിഷ്ഠിത സോഷ്യല്‍മീഡിയ ആപ്പുമായി മലയാളി യുവാക്കള്‍
കൂടാതെ, മറ്റു സമൂഹമാധ്യമങ്ങളിലേത് പോലെ ഫോട്ടോ, വിഡിയോ എന്നിവയും ഇവിടെ പങ്കുവെക്കാം. ഗുജറാത്തിലെ അഹമ്മദാബാദില്‍ സംസ്ഥാന സര്‍ക്കാരിന്റെ പിന്തുണയോടെ ഇന്‍കുബേറ്റ് ചെയ്ത സ്റ്റാര്‍ട്ടപ്പിന് 1.5 കോടിയുടെ സീഡ് ഫണ്ടിങ്ങും ലഭിച്ചിരുന്നു. ഇപ്പോള്‍ കമ്പനിക്ക് 25 കോടി രൂപയുടെ മൂല്യമുണ്ട്.
കൊച്ചി: ശബ്ദാധിഷ്ഠിത സോഷ്യല്‍ മീഡിയ പ്‌ളാറ്റ്‌ഫോമായ സ്പീക്ക്ആപ്പുമായി മലയാളി യുവാക്കള്‍. കോട്ടയം സ്വദേശി അലന്‍ എബ്രഹാം, മാവേലിക്കര സ്വദേശി ആര്‍ വരുണ്‍, ഗുജറാത്ത് സ്വദേശി എന്നിവര്‍ ചേര്‍ന്നാണ് വോയിസ് അധിഷ്ടിത സോഷ്യല്‍ മീഡിയ പ്ലാറ്റ്‌ഫോമായ സ്പീക്ക്ആപ്പിന് രൂപം നല്‍കിയത്. പറയാന്‍ ഉദ്ദേശിക്കുന്ന കാര്യം വളരെ ഇഷ്ടമുള്ള ഭാഷയില്‍ വോയിസ് നോട്ടായി പോസ്റ്റ് ചെയ്യാമെന്നതാണ് ആപ്പിന്റെ പ്രത്യേകത.
കൂടാതെ, മറ്റു സമൂഹമാധ്യമങ്ങളിലേത് പോലെ ഫോട്ടോ, വിഡിയോ എന്നിവയും ഇവിടെ പങ്കുവെക്കാം. ഗുജറാത്തിലെ അഹമ്മദാബാദില്‍ സംസ്ഥാന സര്‍ക്കാരിന്റെ പിന്തുണയോടെ ഇന്‍കുബേറ്റ് ചെയ്ത സ്റ്റാര്‍ട്ടപ്പിന് 1.5 കോടിയുടെ സീഡ് ഫണ്ടിങ്ങും ലഭിച്ചിരുന്നു. ഇപ്പോള്‍ കമ്പനിക്ക് 25 കോടി രൂപയുടെ മൂല്യമുണ്ട്. അലന്‍ സ്ഥാപക സി.ഇ.ഒയും വരുണ്‍ ചീഫ് മാര്‍ക്കറ്റിംഗ് ഓഫീസറും (സി.എം.ഒ) ജന്‍കര്‍ ചീഫ് ടെക്നോളജി ഓഫീസറുമാണ് (സി.ടി.ഒ). ലോഞ്ച് ചെയ്ത് മൂന്ന് മാസത്തിനുള്ളില്‍ 35000 ത്തോളം പേര്‍ ആപ്പ് ഡൗണ്‍ലോഡ് ചെയ്തിട്ടുണ്ട്.
Read Also: മലപ്പുറത്ത് നോമ്പ് കാലത്തെ അപകടങ്ങള്‍ കുറക്കാൻ ബോധവൽക്കരണവുമായി ഗതാഗത വകുപ്പ് ഉദ്യോഗസ്ഥര്‍
വീട്ടമ്മമാര്‍ മുതല്‍ ഫുഡ് ബ്‌ളോഗര്‍മാര്‍വരെ ഇപ്പോള്‍ സ്പീക്ക്ആപ്പിന്റെ ഉപയോക്താക്കളാണ്.പ്രതിമാസം ഒരുലക്ഷം ഡൗണ്‍ലോഡ് നേടുകയും അതിന്റെ പിന്‍ബലത്തില്‍ കൂടുതല്‍ ഫണ്ട് സമാഹരിച്ച്, കൂടുതല്‍ ഫീച്ചറുകള്‍ ആപ്പില്‍ ഉള്‍പ്പെടുത്തുകയുമാണ് ലക്ഷ്യമെന്ന് സി.എം.ഒ ആര്‍. വരുണ്‍ പറഞ്ഞു. ആഗോളതലത്തില്‍ ശ്രദ്ധനേടുന്ന ഇന്ത്യന്‍ ആപ്പെന്ന പെരുമ സ്വന്തമാക്കുകയും ലക്ഷ്യമാണെന്ന് അദ്ദേഹം പറഞ്ഞു. നിലവില്‍ മലയാളികളെ കേന്ദ്രീകരിച്ചാണ് പ്രവര്‍ത്തിക്കുന്നതെങ്കിലും ഭാവിയില്‍ മറ്റുഭാഷകളിലും സേവനം ലഭ്യമാക്കുകയാണ് കമ്പനിയുടെ ലക്ഷ്യം. ഉപയോക്താക്കള്‍ക്ക് ഗൂഗിള്‍ പ്‌ളേസ്റ്റോറിലും ആപ്പിള്‍ സ്റ്റോറിലും സൗജന്യമായി ആപ്പ് ഡൗണ്‍ലോഡ് ചെയ്യാം. വെബ്‌സൈറ്റ്-www.speakapp.app.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA