നിങ്ങളുടെ ബാങ്ക് അക്കൗണ്ട് സുരക്ഷിതമാക്കാൻ ഇൗ ആപ്പുകൾ ഫോണിൽ നിന്നും കളയു

തൊട്ടതും പിടിച്ചതുമെല്ലാം ഫോണിൽ (Smart Phone) ഇൻസ്റ്റാൾ ചെയ്യുകയെന്നത് എല്ലാവരുടെയും സ്വഭാവമാണ് ചില ആപ്പുകളൊക്കെ ഉപയോഗിച്ചാലും ഇല്ലെങ്കിലും എപ്പോഴും ഫോണിൽ ഉണ്ടാവും. ആപ്പുകളെല്ലാം ഫോൺ വിവരങ്ങൾ ചോർത്തുമെന്ന കാര്യത്തിൽ സംശയമൊന്നും വേണ്ട.

ടെക് വിദഗ്ദൻമാരുടെ കണ്ടെത്തൽ പ്രകാരം ഒരു മാൽ വെയർ ഡ്രോപ്പർ  ഒറ്റവാക്കിൽ പറഞ്ഞാൽ ഒരു വൈറസ് (Virus) ചില ആപ്പുകളിലൂടെ ആളുകളുടെ ഫോണിലേക്ക് എത്തുന്നുണ്ട്. ഗൂഗിളിന് പോലും കണ്ടെത്താൻ സാധിക്കാത്ത വൈറസുകളിലൊന്നാണിതെന്നാണ് വിലയിരുത്തുന്നത്. ഫോണിലെത്തിയാൽ നിങ്ങളുടെ സാമ്പത്തിക വിവരങ്ങൾ ഇത് ചോർത്തിയെടുക്കും. കൂടെ നിങ്ങളുടെ  ഫോൺ തന്നെ പുറത്ത് നിന്ന് ഒരാൾക്ക് ഉപയോഗിക്കാവുന്ന വിധമായിരിക്കും.

എട്ട് ആപ്പുകളാണ്  വൈറസുകളെ പരത്തുന്നതെന്നാണ് കണ്ടെത്തിയിരിക്കുന്നത് ഇവ നിങ്ങൾ ഉപയോഗിക്കുന്നുവെങ്കിൽ ഉടൻ അൺ ഇൻസ്റ്റാൾ ചെയ്യേണ്ടുന്നതാണ്.

ഇവയാണ് ആ എട്ട് ആപ്പുകൾ.

Cake VPN (com.lazycoder.cakevpns)
Pacific VPN (com.protectvpn.freeapp
eVPN (com.abcd.evpnfree)
BeatPlayer (com.crrl.beatplayers)
QR/Barcode Scanner MAX (com.bezrukd.qrcodebarcode)
Music Player (com.revosleap.samplemusicplayers)
tooltipnatorlibrary (com.mistergrizzlys.docscanpro)
QRecorder (com.record.callvoicerecorder)

നിങ്ങളുടെ ബാങ്ക്  അക്കൗണ്ട് (Bank) വിവരങ്ങൾ, സീക്രട്ട് പിൻ നമ്പരുകൾ,നിങ്ങളുടെ സ്വകാര്യ വിവരങ്ങൾ,പാൻ കാർഡ് വിവരങ്ങൾ തുടങ്ങി എല്ലാം ചോർത്തപ്പെട്ടേക്കാം. മുകളിൽ പറഞ്ഞിരിക്കുന്ന ആപ്പുകൾ അൺ ഇൻസ്റ്റാൾ ചെയ്യുക മാത്രമല്ല ഇവയുടെ ഡേറ്റയും ക്ലിയർ ചെയ്യുക എങ്കിൽ മാത്രമെ പിന്നീട് ഇതുമായി ബന്ധപ്പട്ട ഒരു മാൽവെയർ  ഭീക്ഷണികളും നിങ്ങളുടെ ഫോണിനെ ബാധിക്കാതിരിക്കു.

https://bit.ly/3b0IeqA