സമാധാനത്തിനുളള നൊബേൽ അലെസ് ബിയാലിയറ്റ്സ്കിക്കിനും മെമ്മോറിയലും സെന്റർ ഫോർ സിവിൽ ലിബർട്ടീസിനും
യുദ്ധക്കുറ്റങ്ങൾ, മനുഷ്യാവകാശ ലംഘനങ്ങൾ, ദുരുപയോഗം എന്നിവ രേഖപ്പെടുത്താൻ അവർ മികച്ച ശ്രമം നടത്തി
ഈ വര്‍ഷത്തെ സമാധാനത്തിനുള്ള നൊബേല്‍ സമ്മാനം പ്രഖ്യാപിച്ചു . ബെലാറസിൽ നിന്നുള്ള മനുഷ്യാവകാശ അഭിഭാഷകൻ അലസ് ബിയാലിയാറ്റ്സ്കി, റഷ്യൻ മനുഷ്യാവകാശ സംഘടനയായ മെമോറിയൽ, യുക്രേനിയൻ മനുഷ്യാവകാശ സംഘടനയായ സെന്റർ ഫോർ സിവിൽ ലിബർടീസ് എന്നിവ 2022 ലെ സമാധാനത്തിനുള്ള നോബൽ സമ്മാനം നേടി.
'സമാധാന സമ്മാന ജേതാക്കൾ അവരുടെ രാജ്യങ്ങളിലെ പൗരസമൂഹത്തെ പ്രതിനിധീകരിക്കുന്നു. അധികാരത്തെ വിമർശിക്കാനും പൗരന്മാരുടെ മൗലികാവകാശങ്ങൾ സംരക്ഷിക്കാനുമുള്ള അവകാശം അവർ വർഷങ്ങളോളം പ്രോത്സാഹിപ്പിക്കുന്നു. യുദ്ധക്കുറ്റങ്ങൾ, മനുഷ്യാവകാശ ലംഘനങ്ങൾ, ദുരുപയോഗം എന്നിവ രേഖപ്പെടുത്താൻ അവർ മികച്ച ശ്രമം നടത്തി. അവർ ഒരുമിച്ച് സമാധാനത്തിനും ജനാധിപത്യത്തിനും വേണ്ടിയുള്ള സിവിൽ സമൂഹത്തിന്റെ പ്രാധാന്യം തെളിയിക്കുന്നു', നോർവീജിയൻ നോബൽ കമിറ്റി അഭിപ്രായപ്പെട്ടു.
1980-കളുടെ മധ്യത്തിൽ ബെലാറസിൽ ഉയർന്നുവന്ന ജനാധിപത്യ പ്രസ്ഥാനത്തിന്റെ തുടക്കക്കാരിൽ ഒരാളായിരുന്നു അലസ് ബിയാലിയാറ്റ്സ്കി. സ്വന്തം രാജ്യത്ത് ജനാധിപത്യത്തിനും സമാധാനപരമായ വികസനത്തിനും വേണ്ടി അദ്ദേഹം തന്റെ ജീവിതം സമർപ്പിച്ചു. 2022 ഫെബ്രുവരിയിൽ റഷ്യയുടെ യുക്രൈൻ അധിനിവേശത്തിനുശേഷം, യുക്രേനിയൻ ജനതയ്‌ക്കെതിരായ റഷ്യൻ യുദ്ധക്കുറ്റങ്ങൾ തിരിച്ചറിയുന്നതിനും രേഖപ്പെടുത്തുന്നതിനുമുള്ള ശ്രമങ്ങളിൽ സെന്റർ ഫോർ സിവിൽ ലിബർടീസ് ഏർപെട്ടിട്ടുണ്ട്.
മുൻ സോവിയറ്റ് യൂണിയനിലെ മനുഷ്യാവകാശ പ്രവർത്തകർ 1987-ലാണ് മെമോറിയൽ സ്ഥാപിച്ചത്. വിജയികൾക്ക് 10 മില്യൺ സ്വീഡിഷ് ക്രോണർ (ഏകദേശം 900,000 ഡോളർ) ക്യാഷ് അവാർഡ് ലഭിക്കും. ഡിസംബർ 10-ന് അത് കൈമാറും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...