ഐപാഡിൽ ഗെയിം കളിക്കുന്ന പൂച്ചക്കുട്ടി; വൈറലായി വീഡിയോ
ഏകദേശം രണ്ട് ദിവസം മുമ്പ് `ഗ്രേസ്ഫുൾ ഹണ്ടിംഗ് പ്രാക്ടീസ്` എന്ന അടിക്കുറിപ്പോടെയാണ് വീഡിയോ പങ്കിട്ടിരിക്കുന്നത്.
മൃഗങ്ങളുടെ കുസൃതി നിറഞ്ഞ വീഡിയോകൾ പലപ്പോഴും നമ്മൾ സോഷ്യൽ മീഡിയയിൽ അടക്കം കാണാറുള്ളതാണ്. വളരെ ക്യൂട്ട് ആയിട്ടുള്ള അത്തരം വീഡിയോകൾ പെട്ടെന്ന് സമൂഹ മാധ്യമങ്ങളിൽ വൈറലാകാറുണ്ട്. അങ്ങനെ കാഴ്ചക്കാരുടെ ഹൃദയം കീഴടക്കുകയാണ് ഈ പൂച്ചക്കുട്ടി.
വളരെ മനോഹരമായി ഐപാഡിൽ ഗെയിം കളിക്കുന്ന പൂച്ചക്കുഞ്ഞിനെയാണ് വീഡിയോയിൽ കാണാൻ കഴിയുന്നത്. ആദ്യം ടിക് ടോക്കിലും പിന്നീട് റെഡ്ഡിറ്റിലും പോസ്റ്റ് ചെയ്ത വീഡിയോ ഇപ്പോൾ ഇൻസ്റ്റാഗ്രാമിലും വൈറലായി കഴിഞ്ഞു. ഐ പാഡിന് മുന്നിൽ ഇരിക്കുന്ന പൂച്ച സ്ക്രീനിൽ ദൃശ്യമാകുന്ന വസ്തുക്കളെ സ്പർശിക്കുന്നതും രസകരമായ വീഡിയോയിൽ കാണാം. സ്ക്രീനിൽ വരുന്ന വസ്തുക്കളെ കാണുമ്പോൾ ഭയപ്പെട്ട് പുറകിലേക്ക് മാറുന്നതും പിന്നീട് സ്ക്രീനിൽ തൊട്ട് അവയെ ഇല്ലാതാക്കുന്നതും വളരെ രസകരമാണ്.
Also Read: അനധികൃതമായി ഡോള്‍ഫിനുകളെ പിടികൂടി; യുവാക്കള്‍ക്ക് 2 ലക്ഷം രൂപ പിഴ
കളിയ്ക്കിടെ ഐപാഡ് നീങ്ങി പോകുമ്പോൾ അത് നേരെ വയ്ക്കുന്നതും വീഡിയോയിലുണ്ട്. പൂച്ചക്കുട്ടിയുടെ പ്രവർത്തികൾ ഏറ്റവും ഹൃദ്യമായതും കാഴ്ചക്കാരെ ചിരിപ്പിക്കുന്നതും സന്തോഷിപ്പിക്കുന്നതുമാണ്.
ഏകദേശം രണ്ട് ദിവസം മുമ്പ് "ഗ്രേസ്ഫുൾ ഹണ്ടിംഗ് പ്രാക്ടീസ്" എന്ന അടിക്കുറിപ്പോടെയാണ് വീഡിയോ പങ്കിട്ടിരിക്കുന്നത്. നിരവധി പേർ വീഡിയോ ലൈക്ക് ചെയ്തിട്ടുണ്ട്. ഓരോ മണിക്കൂറിലും കാഴ്ചക്കാരുടെ എണ്ണം വർധിച്ചുരികയാണ്. പൂച്ചയുടെ പ്രവർത്തിയെ പ്രശംസിച്ച് നിരവധി ഉപയോക്താക്കൾ രംഗത്തെത്തിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...