Viral Video: നല്ല ഗംഭീര ബഫെ; ഓടി നടന്ന് വയർ നിറച്ച് ഗിനി പന്നികൾ
ഒന്നല്ല കുറെയധികം ഗിനി പന്നികളെ ഈ വീഡിയോയിൽ കാണാം. എല്ലാവരും കൂടെയിരുന്ന് ഭക്ഷണം കഴിക്കുന്നതാണ് വീഡിയോയിൽ.
മൃഗങ്ങളുടെ വീഡിയോ ഇന്ന് ഇന്റനെറ്റിൽ വളരെയധികം വൈറലായിക്കൊണ്ടിരിക്കുകയാണ്. എല്ലാ മൃഗങ്ങളുടെയും പക്ഷികളുടെയും വീഡിയോകൾ സോഷ്യൽ മീഡിയയിൽ നമ്മൾ നിരന്തരം കാണാറുണ്ട്. എന്നാൽ അധികം കണ്ടുവരാത്ത ഒരു മൃഗമുണ്ട്, ഗിനി പന്നി. ഇവയെ നമ്മൾ കണ്ടിട്ടുണ്ടാകും. എന്നാൽ അത് പലപ്പോഴും ഒരു പരീക്ഷണ വസ്തുവായി ഗവേഷകർ ഉപയോഗിക്കുന്നതാണ് കാണാറുള്ളത്. പലവിധ മരുന്നുകളും പരീക്ഷിക്കുന്നത് ഗനി പന്നികളിലാണ്. ഗിനി പന്നി കാവിഡേ കുടുംബത്തിലെ കാവിയ എന്ന ജനുസ്സിൽ പെട്ട ഒരു കരണ്ടുതീനിയാണ്.
ഗിനി പന്നിയുടെ സ്വദേശം ഗിനിയയും അല്ല . തെക്കേ അമേരിക്കയിലെ ആന്തിസ് ആണ് ഇവയുടെ സ്വദേശം. ആളുകൾ ഇപ്പോൾ ഇതിനെ പൂർണമായി ഇണക്കി വളർത്താൻ തുടങ്ങി കഴിഞ്ഞു. എലിപ്പന്നി എന്നും ഇതിനെ പറയാറുണ്ട്. കാഴ്ചയിൽ എലികളെ പോലിരിക്കുന്ന ഇവയുടെ പ്രവർത്തികൾ പലപ്പോഴും വളരെ കൗതുകം നിറഞ്ഞതാണ്. അത്തരത്തിൽ കൗതുകം നിറഞ്ഞ ഒരു വീഡിയോ ആണ് ഇവിടെ കൊടുക്കുന്നത്.
ഒന്നല്ല കുറെയധികം ഗിനി പന്നികളെ ഈ വീഡിയോയിൽ കാണാം. എല്ലാവരും കൂടെയിരുന്ന് ഭക്ഷണം കഴിക്കുന്നതാണ് വീഡിയോയിൽ. ഗിനി പന്നികളുടെ ബഫെ എന്ന ക്യാപ്ഷനാണ് ഈ വീഡിയോയ്ക്ക് നൽകിയിരിക്കുന്നത്. വളരെ ആപ്റ്റായിട്ടുള്ള ക്യാപ്ഷനാണ് നൽകിയിരിക്കുന്നത്. ഒരു നീണ്ട ടേബിളിൽ നിറയെ ഭക്ഷണം. അതിന്റെ അപ്പുറവും ഇപ്പുറവും ഇരുന്ന് അവ ഓരോന്നും കഴിക്കുന്ന ഗിനി പന്നികൾ. വളരെ രസകരമാണ് ഈ വീഡിയോ. ചിലർ ഓടി നടന്ന് കഴിക്കുന്നതും വീഡിയോയിൽ കാണാം.
Buitengebieden എന്ന ട്വിറ്റർ അക്കൗണ്ടിലാണ് വീഡിയോ പങ്കുവച്ചിരിക്കുന്നത്. 562.6k ആളുകളാണ് ഈ വീഡിയോ ഇതുവരെ കണ്ടത്. 35000ത്തിലധികം ലൈക്കും കിട്ടി. പെറു ഗിനി പന്നികളാണ് ബഫെ ആകുന്നതെന്ന് ചിലർ കമന്റ് ചെയ്തു.
Viral Video: പറ്റിക്കാൻ നോക്കുന്നോ, ധൈര്യമുണ്ടേൽ ഒന്ന് കൂടി ചെയ്ത് നോക്ക്; കലിപ്പ് മോഡിൽ നായ
തന്നെ പറ്റിക്കാൻ നോക്കിയ ആളോട് നായ പ്രതികരിച്ചതാണ് ഇവിടെ വൈറലാകുന്നത്. ഒരു ടേബിളിൽ നിന്ന് എന്തോ എടുക്കുന്നത് പോലെ കാണിച്ച് നായയുടെ വായിൽ വച്ച് കൊടുക്കുകയാണ് ഒരാൾ. അയാളുടെ കൈ വന്നപ്പോഴേക്കും നായ വായ തുറന്നു. പക്ഷേ അയാളുടെ കയ്യിലോ ആ ടേബിളിലോ നായയ്ക്ക് കഴിക്കാനുള്ളതൊന്നുമില്ലായിരുന്നു. പിന്നെയും ഒരിക്കൽ കൂടി ആ മനുഷ്യൻ അങ്ങനെ ചെയ്തു. അപ്പോഴും നായ എന്തോ കഴിക്കാൻ കിട്ടുമെന്ന പ്രതീക്ഷയിൽ വായ തുറന്നു. വീണ്ടും അയാൾ ആ നായയെ പറ്റിച്ചു.
എന്നാൽ മൂന്നാമത്തെ തവണ അയാൾ ഇതുപോലെ തന്നെ ചെയ്തപ്പോൾ നായയ്ക്ക് കാര്യം പിടികിട്ടി. അയാൾ കൈ അടുത്തേക്ക് കൊണ്ടുചെന്നിട്ടും നായ വായ തുറന്നില്ല. പകരം അൽപം ദേഷ്യ ഭാവത്തിൽ നിൽക്കുന്നതിലാണ് വീഡിയോ അവസാനിക്കുന്നത്. ഇനിയും എന്നെ പറ്റിക്കാൻ നോക്കണ്ട എന്ന ഭാവമായിരുന്നു നായയുടെ മുഖത്ത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...