Zombie disease confirmed: സൂക്ഷിക്കുക...! അമേരിക്കയിൽ ‘സോംബി’ രോഗം സ്ഥിരീകരിച്ചു; മാനുകൾക്ക് പോസിറ്റീവ്, മനുഷ്യരിലേക്ക് പകരാൻ സാധ്യത

വാഷിം​ഗ്ടൺ: അമേരിക്കയിൽ സോംബി രോഗം സ്ഥിരീകരിച്ചു. മാനുകളിലാണ് സോംബി വൈറസ് പോസിറ്റീവ് ആയത്. അപകടകാരിയായ ഈ വൈറസ് മനുഷ്യരിലേക്ക് പകരാൻ സാധ്യകയുണ്ടെന്നും, അതീവ്ര ജാ​ഗ്രത പാലിക്കണമെന്നും ആരോ​ഗ്യ വിദ​ഗ്ധർ മുന്നറിയിപ്പ് നൽകി. അമേരിക്കയിലെ ഹാർപേഴ്‌സ് ഫെറി നാഷ്ണൽ ഹിസ്റ്റോറിക്കൽ പാർക്കിലെ രണ്ട് വൈറ്റ്-ടെിൽഡ് മാനുകൾക്കാണ് രോ​ഗം സ്ഥിതീകരിച്ചത്. പിന്നാലെ ഇവയെ വെടിവെച്ചു കൊന്നുവെന്നാണ് ലഭിക്കുന്ന സൂചന. നാഷണൽ പാർ‍ക്ക് സർവ്വീസ് പുറത്തിറക്കിയ പത്രക്കുറിപ്പിൽ ഇക്കാര്യം വ്യക്തമാക്കിയിട്ടുണ്ട്.

സമീപത്ത് സ്ഥിതിചെയ്യുന്ന ആന്റീറ്റാം, മോണോക്കസി ബാറ്റിൽഫീൽഡ് പാർക്ക് എന്നിവിടങ്ങളിലും സോംബി രോഗം കണ്ടെത്തിയിട്ടുണ്ട്. ഈ പശ്ചാത്തലത്തിൽ ഹാർപസ് ഫെറിയിലും മാറ്റ് നാഷണൽ പാർക്കുപകളിലുമെല്ലാം മാനുകളുടെ എണ്ണം പരിമിതപ്പെടുത്തുന്നുണ്ട്. ക്രോണിക് വേസ്റ്റിംഗ് ഡിസീസ് (CWD) എന്നും അറിയപ്പെടുന്ന 'സോംബി ഡീർ ഡിസീസ്', മാൻ, എൽക്ക്, കരിബോ, റെയിൻഡിയർ, മൂസ് എന്നീ മൃഗങ്ങളുടെ ഒരു കൂട്ടമായ സെർവിഡുകളെ ബാധിക്കുന്ന ഒരു വൈറസ്ണ് രോ​ഗമാണ്. ഇതുവരെ, യുഎസിലെ 31 സംസ്ഥാനങ്ങളിൽ ഈ രോ​ഗം റിപ്പോർട്ട് ചെയ്യപ്പെട്ടിട്ടുണ്ട്.

ക്രോണിക് വേസ്റ്റിംഗ് ഡിസീസ് (CWD) എന്നും അറിയപ്പെടുന്ന 'സോംബി ഡീർ ഡിസീസ്', മാൻ, എൽക്ക്, കരിബോ, റെയിൻഡിയർ, മൂസ് എന്നീ മൃഗങ്ങളുടെ ഒരു കൂട്ടമായ സെർവിഡുകളെ ബാധിക്കുന്ന ഒരു വൈറസ്ണ് രോ​ഗമാണ്. ഇതുവരെ, യുഎസിലെ 31 സംസ്ഥാനങ്ങളിൽ ഈ രോ​ഗം റിപ്പോർട്ട് ചെയ്യപ്പെട്ടിട്ടുണ്ട്. രോ​ഗം സ്ഥിരീകരിച്ച മൃ​ഗങ്ങളിൽ അസാധാരണമായ പെരുമാറ്റവും ലക്ഷണങ്ങളുമാണ് പ്രകടമാവുക. തലച്ചോറിൽ ആശയക്കുഴപ്പം, ക്ഷീണം, തുറിച്ച് നോട്ടം എന്നിങ്ങനെ കാണിക്കും. 

തലച്ചോറിലും മറ്റ് ടിഷ്യൂകളിലും അടിഞ്ഞുകൂടുന്ന പ്രോട്ടീൻ (പ്രിയോൺ) മൂലമാണ് ഇത്തരത്തിൽ അസ്വസ്ഥതകൾ കാണിക്കുന്നത്. ഇത് വൈറസ് ബാധിച്ചവരിൽ  ശാരീരികവും പെരുമാറ്റപരവുമായ മാറ്റങ്ങൾക്ക് കാരണമാകുന്നു. തളർച്ച, ഒടുവിൽ മരണം. മൃഗങ്ങളിൽ നിന്ന് മൃഗങ്ങളിലേക്കുള്ള നേരിട്ടുള്ള സമ്പർക്കം വഴിയോ അല്ലെങ്കിൽ മലം, മണ്ണ് തുടങ്ങിയവയിലൂടെയുള്ള സമ്പർക്കത്തിലൂടെയോ ഇത് പകരുന്നു.