Viral Video: ഇത് എന്റെ സ്ഥലമാ...നീ അവിടെ ഇരുന്നാൽ മതി, പൂച്ചകളുടെ വൈറൽ വീഡിയോ

പൂച്ചകളുടെ രസകരമായി നിരവധി വീഡിയോകൾ സോഷ്യൽ മീഡിയയിൽ നമ്മൾ കാണാറുണ്ട്. ഇത്തരം വീഡിയോകൾ വളരെ പെട്ടെന്നാണ് സമൂഹ മാധ്യമങ്ങളിൽ വൈറലാകുന്നത്. മൃ​ഗങ്ങളുടെ മാത്രം വീഡിയോകൾ പങ്കുവയ്ക്കുന്ന ഒരുപാട് സോഷ്യൽ മീഡിയ പേജുകൾ തന്നെയുണ്ട്. പൂച്ചകൾ മറ്റ് മൃ​ഗങ്ങളുമായി വഴക്കിടുന്നതും ചങ്ങാത്തം കൂടുന്നതുമൊക്കെയായി നിരവധി ദൃശ്യങ്ങൾ നമ്മൾ കണ്ടിട്ടുണ്ടാകാം. രണ്ട് പൂച്ചകൾ തമ്മിലുള്ള രസകരമായ ഒരു വീഡിയോ കണ്ടാലോ?

Yog എന്ന പേരിലുള്ള ഒരു ട്വിറ്റർ അക്കൗണ്ടിൽ പങ്കുവച്ച വീഡിയോയെ കുറിച്ചാണ് ഇവിടെ പറയുന്നത്. ഒരു കാർഡ് ബോർഡ് ബോക്സിന് മുകളിലായിരിക്കുന്ന ഒരു പൂച്ചയെ ആണ് ആദ്യം വീഡിയോയിൽ കാണാൻ കഴിയുക. തൊട്ടുപിന്നാലെ ബോക്സിനുള്ളിൽ നിന്ന് ഒരു പൂച്ച കൂടിതല പുറത്തേക്കിട്ടു. എന്നാൽ പെട്ടിയുടെ മുകളിൽ ഇരുന്ന പൂച്ച അതിനെ പുറത്തേക്ക് വരാൻ അനുവദിക്കാതെ വീണ്ടും പെട്ടിക്കുള്ളിലേക്ക് തള്ളിയിട്ടു.

വീണ്ടും ഈ പൂച്ച പെട്ടിക്കുള്ളിൽ നിന്ന് പുറത്തേക്ക് വരാൻ ശ്രമിച്ചു. അപ്പോഴും അതിനെ തള്ളി അകത്തേക്കിടുകയായിരുന്നു മറ്റേ പൂച്ച. ഇത് കാണുമ്പോൾ ആ പൂച്ചയോട് പെട്ടിക്ക് മുകളിൽ ഇരുന്ന പൂച്ചയ്ക്ക് എന്തോ ദേഷ്യമുള്ളത് പോലെ തോന്നും. 

10 സെക്കൻഡ് മാത്രം ദൈർഘ്യമുള്ള ഈ വീഡിയോ വളരെ രസകരമാണ് കണ്ടുകൊണ്ടിരിക്കാൻ. 18.4k ആളുകൾ ഈ വീഡിയോ കണ്ട് കഴിഞ്ഞു. നിരവധി പേർ ലൈക്കും കമന്റ്സും രേഖപ്പെടുത്തിയിട്ടുണ്ട്.

Viral Video: പൂച്ചയ്ക്കെന്താ ഉള്ളി അരിയുന്നിടത്ത് കാര്യം? പിന്നെ സംഭവിച്ചത്

നായകളെയും പൂച്ചകളെയും ഒക്കെ വീട്ടിൽ വളർത്താൻ ഇഷ്ടപ്പെടുന്നവരാണ് മിക്ക ആളുകളും. കുടുംബത്തിലെ ഒരു അം​ഗത്തെ പോലെയാകും ഇവർ ആ മൃ​ഗങ്ങളെ വളർത്തുന്നത്. അത്തരത്തിലുള്ള വളർത്ത് മൃ​ഗങ്ങളുടെ വീഡിയോ പലപ്പോഴും സോഷ്യൽ മീഡിയയിൽ വൈറലാകാറുണ്ട്. ഇവയുടെ കുസൃതി നിറഞ്ഞ പ്രവർത്തികളൊക്കെ കാഴ്ചക്കാർക്ക് ചിരി പകരുന്നവയാണ്. നമ്മുടെ മുറികളിലും അടുക്കളയിലും എല്ലാം ഇവ ഓടി നടക്കാറുണ്ട്. അത്തരത്തിൽ ഉടമ ജോലി ചെയ്യുന്നതിനൊപ്പം കൂട്ടിരിക്കുന്ന പൂച്ചയുടെ വീഡിയോ ആണ് ഇപ്പോൾ വൈറലാകുന്നത്. 

ഒരു സ്ത്രീ ഉള്ളി അരിയുന്നത് വീഡിയോയിൽ നമുക്ക് കാണാൻ കഴിയും. പൊതുവെ ഉള്ളി അരിയുമ്പോൾ അത് എത്രത്തോളം ബുദ്ധിമുട്ടാണെന്ന് നമുക്ക് അറിയാം. സ്ത്രീയ്ക്കൊപ്പം ഇരുന്ന് അവർ ഉള്ളി അരിയുന്നത് കാണുകയാണ് പൂച്ച. ഇതിനിടെ പൂച്ചയുടെ എക്സ്പ്രെഷൻസ് വളരെ രസകരമാണ്. ഉള്ളി അരിയുമ്പോൾ പൊതുവെ നമ്മുടെ കണ്ണ് നീറും. കണ്ണിൽ നിന്ന് വെള്ളം വരികയും ചെയ്യു. പൂച്ചയ്ക്കും അത് തന്നെയാണ് സംഭവിച്ചിരിക്കുന്നതെന്ന് തോന്നുന്നു. കണ്ണ് നീറുന്ന തരത്തിലുള്ള ഭാവങ്ങളാണ് പൂച്ച കാണിക്കുന്നത്. 

'Buitengebieden' ട്വിറ്റർ അക്കൗണ്ടിൽ നിന്നാണ് വീഡിയോ പങ്കുവച്ചിരിക്കുന്നത്. 'ആരാണ് ഉള്ളി മുറിക്കുന്നത്? എന്ന ക്യാപ്ഷനാണ് വീഡിയോയ്ക്ക് ഉപയോക്താവ് നൽകിയിരിക്കുന്നത്. 330kൽ അധികം ആളുകൾ വീഡിയോ കണ്ടു. 17k ലൈക്കുകളും ലഭിച്ചു. ഇന്റർനെറ്റിൽ കണ്ട ഏറ്റവും രസകരമായ കാര്യമാണിതെന്നാണ് ട്വിറ്റർ ഉപയോക്താക്കൾ പറഞ്ഞത്. നിരവധി തമാശ നിറഞ്ഞ കമന്റുകളും ചിരിക്കുന്ന ഇമോജികളും ട്വിറ്റർ ഉപയോക്താക്കൾ വീഡിയോയ്ക്ക് താഴെ പോസ്റ്റ് ചെയ്തിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy