कारला लागलेल्या आगीत गंभीरपणे भाजली अभिनेत्री, रुग्णालयात दाखल

गंभीररित्या भाजलेल्या अभिनेत्रीला रुग्णालयात दाखल करण्यात आले आहे.

लॉस एंजेलिस : हॉलिवूडची दिग्गज अभिनेत्री अॅनी हेचे बाबत एक मोठी बातमी समोर आली आहे. शुक्रवारी झालेल्या भीषण कार अपघातात जखमी झालेल्या अभिनेत्री अॅन हेचे हिला गंभीरपणे भाजल्याने रुग्णालयात दाखल करण्यात आले आहे.

मिळालेल्या माहितीनुसार, लॉस एंजेलिसच्या मार व्हिस्टा येथील वॉलग्रोव्ह एव्हेन्यूवर असलेल्या एका इमारतीत आग लागली असून हेचेची कारही आगीत जळून खाक झाली आहे. लॉस एंजेलिस अग्निशमन विभागाने आपल्या वेबसाइटवर दिलेल्या निवेदनात म्हटले आहे की, "वाहनात सापडलेल्या अॅनला एलएएफडी पॅरामेडिक्सने गंभीर अवस्थेत रुग्णालयात नेले. अॅनीला गाडीतून बाहेर काढण्यात आले. गंभीर अवस्थेत एलएएफडी पॅरामेडिक्सने प्रादेशिक रुग्णालयात दाखल करण्यात आले आहे.

अॅन हेचे हिने टीव्ही शो अदर वर्ल्डने प्रसिद्धी मिळवली, मालिकेत विकी हडसन आणि मार्ले लव्ह या जुळ्या मुलांची भूमिका केली. यासाठी तिला डे टाईम एमी अवॉर्ड ही मिळाला. डॉनी ब्रास्को, सिक्स डेज सेव्हन नाईट्स आणि वॅग द डॉग या चित्रपटांमध्येही ती दिसली आहे.