बिकीनी फोटोमुळे तापसी ट्रोल, त्या भामट्याला दिले सडेतोड उत्तर

मुंबई : बॉलिवूड अभिनेत्री तापसी पन्नू गेल्या काही दिवसांपासून तिच्या आगामी ‘जुडवा २’ या सिनेमामुळे चांगलीच चर्चेत आहे. नुकतेच तिने सोशल मीडियात तिचे काही बिकीनी फोटो शेअर केले. त्यावरून तिला ट्रोल करण्यात आलं आहे.

ट्रोल करणा-या यूजरला तिने सडेतोड उत्तर देत त्यांची बोलती बंद केलीये. 

तापसीच्या फोटोवर एका यूजरने कमेंट केली की, ‘आपल्या देशात अभिव्यक्ती स्वातंत्र्य आहे, तर तू तुझे शिल्लक राहिलेले कपडेही का उतरवत नाहीस? तसं पाहून तुझ्या भावाला गर्व होईल’. हे ट्विट आता डिलीट करण्यात आलं आहे. मात्र, तापसी त्यावर गप्प बसली नाही. तिने त्या यूजरला सडेतोड उत्तर दिलं.

तापसीचा ‘जुडवा २’ हा सिनेमा २९ सप्टेंबरला रिलीज होणार आहे. या सिनेमात जॅकलिन फर्नांडिस आणि वरूण धवन यांच्याही भूमिका आहेत. तापसी पहिल्यांदाच या सिनेमात बोल्ड अंदाजात बघायला मिळणार आहे.