Shraddha Kapoor Next Film: 'स्त्री 2' मधील श्रद्धा कपूरच्या अभिनयाने बॉक्स ऑफिसवर धुमाकूळ घातला होता. या चित्रपटाने प्रचंड कमाई केली असून अनेक चित्रपटांचे रेकॉर्ड देखील मोडले आहेत. या चित्रपटाने जगभरात 874 कोटींची कमाई केली आहे. या चित्रपटानंतर चाहते श्रद्धा कपूरच्या आगामी चित्रपटाची वाट पाहत आहेत. 


COMMERCIAL BREAK
SCROLL TO CONTINUE READING

दरम्यान, अशातच श्रद्धा कपूर संदर्भात एक मोठी बातमी समोर आली आहे. ज्यामुळे चाहते देखील प्रचंड खूश होणार आहेत. रिपोर्टनुसार, श्रद्धा कपूर 'स्त्री 2' नंतर 'नागिन' या भूमिकेत दिसणार आहे. अशा बातम्या सोशल मीडियावर व्हायरल होत आहेत. 


निखिल द्विवेदीने केला मोठा खुलासा 


'स्त्री 2' चित्रपटानंतर श्रद्धा कपूरने तिच्या आगामी चित्रपटाबाबत अद्याप कोणतीही घोषणा केलेली नाहीये. परंतु, निर्माते निखिल द्विवेदी यांनी एक घोषणा केली आहे. त्याच्या आगामी चित्रपट 'नागिन'मध्ये अभिनेत्री श्रद्धा कपूर देखील असणार आहे. लवकरच हा चित्रपट प्रदर्शित होण्याची शक्यता आहे. 


3 वर्षांपासून स्टोरीवर सुरु आहे काम


इंडिया टुडेच्या रिपोर्टनुसार, 'नागिन' चित्रपटाबद्दल बोलताना निखिल यांनी म्हटलं आहे की, 'नागिन' चित्रपटाची स्क्रिप्ट लिहिण्यासाठी तीन वर्षे लागली आहेत. त्याचबरोबर या चित्रपटाची स्क्रिप्ट तीन वेळा लिहिण्यात आली आहे. परंतु आता या चित्रपटाची स्क्रिप्ट पूर्ण झाली आहे. चित्रपटामध्ये 'स्त्री 2' चित्रपटातील अभिनेत्री श्रद्धा कपूर देखील असणार आहे. श्रद्धा कपूर देखील या चित्रपटाबद्दल खूप उत्सुक आहे. 2025 मध्ये हा चित्रपट प्रेक्षकांच्या भेटीला येणार असल्याचं म्हटलं जात आहे. 


श्रद्धा कपूरसोबत अजून कोण असणार?


'नागिन' चित्रपटात श्रद्धा कपूर असणार हे आता फिक्स झाले आहे. परंतु, श्रद्धा कपूरसोबत या चित्रपटात कोण असणार याचा खुलासा अद्याप झालेला नाहीये. त्यामुळे निर्माते या चित्रपटात श्रद्धासोबत कोणत्या अभिनेत्याला घेणार हे देखील पाहावे लागणार आहे. श्रद्धा कपूरने एकापाठोपाठ दोन हिट चित्रपट दिले आहेत. 'स्त्री 2' या चित्रपटाने बॉक्स ऑफिसवर प्रचंड कमाई केली आहे.