Sarfira Collection: सुपरस्टार अक्षय कुमारने आपल्या कारकिर्दीत अनेकवेळा दमदार अभिनयाने चित्रपट गाजवले आहेत. पण जेव्हा एखाद्या चित्रपटाची कथा चांगली असते आणि अभिनयही अप्रतिम असतो. मात्र, तरीही तो चित्रपट चांगला कलेक्शन करू शकत नाही, तेव्हा चिंतेची बाब आहे. अक्षयच्या नुकत्याच रिलीज झालेल्या सरफिरामध्येही हेच बघायला मिळत आहे. या चित्रपटाच्या निर्मितीसाठी सुमारे 85 कोटी रुपये खर्च करण्यात आला आहे. पण यानंतरही हा चित्रपट आपल्या महत्त्वाच्या दिवसांमध्ये कमाई करून छाप पाडू शकलेला नाही.


COMMERCIAL BREAK
SCROLL TO CONTINUE READING

4 दिवसांमध्ये सरफिराची कमाई किती? 


अक्षय कुमारच्या 2024 मधील दुसऱ्या चित्रपटाच्या कमाई आकडे समोर आले आहेत. अक्षयच्या सरफिरा चित्रपटाला चांगली ओपनिंग मिळालेली नाही. चित्रपटाचे कलेक्शन कमी होत आहे. या चित्रपटाने पहिल्याच दिवशी अडीच कोटींची कमाई केली. यानंतर, चित्रपटाने आठवड्याच्या शेवटी मिळालेल्या संधीचा फायदा घेतला. शनिवारी या चित्रपटाने 4.25 कोटींची कमाई केली. रविवारी चित्रपटाने 5.25 कोटी कमावले. आता अपेक्षेनुसार चित्रपटाचे कलेक्शन देखील त्याच मार्गाने जात आहे. सोमवारी या चित्रपटाने 1.40 कोटींची कमाई केली आहे. 4 दिवसांत चित्रपटाचे एकूण कलेक्शन 13.40 कोटी रुपये झाले आहे. जर सरफिरा या चित्रपटाने सुरुवातीच्या दिवसांमध्ये 20 कोटींपेक्षा जास्त कमाई केली असती तर त्याची कमाई चांगली झाली असं म्हणता आले असते.


अक्षय कुमारचा सरफिरामध्ये अभिनय?


सरफिरामधील अक्षयच्या अभिनयाबद्दल बोलायचे झाले तर अक्षय हा चित्रपटसृष्टीतला एक मोठा अभिनेता आहे. याची उदाहरणेही त्यांच्या अनेक चित्रपटांतून पाहायला मिळाली आहेत. अक्षय कुमारच्या चित्रपटांची कमाई ही एकच गोष्ट घडत नाही. सरफिरा चित्रपटाला चांगला प्रतिसाद मिळाला असून ज्याने हा चित्रपट पाहिला तो अक्षयच्या अभिनयाचे कौतुक केल्याशिवाय राहू शकत नाही. पण जोपर्यंत चित्रपट बॉक्स ऑफिसवर कमाई करत नाही तोपर्यंत आजच्या व्यावसायिक सिनेमाच्या युगात तो अपूर्णच राहतो.


 85 कोटींचा सरफिरा 


अक्षय कुमारचा 85 कोटींचा सरफिरा चित्रपट अपेक्षेप्रमाणे कमाई करताना दिसत नाहीये. आता पहिल्या आठवड्यामध्ये आणि दुसऱ्या आठवड्यामध्ये सरफिरा किती कमाई करतो हे बघावे लागणार आहे. जर चित्रपटाने 40-50 कोटींची कमाई केली नाही तर चित्रपटाला 100 कोटींची कमाई करणे जवळपास अशक्य होईल.