सगळ्यांसमोर अक्षय कुमारला kiss करणारी `ती` महिला कोण?

मुंबई : बॉलिवूड अभिनेता अक्षय कुमारची फॅन फॉलोइंग प्रत्येक गटात आहे. चाहते अक्षय कुमारची एक झलक पाहण्यासाठी उत्सुक असतात आणि त्याच्यासोबत फोटो काढण्यासाठी नेहमीच वाट पाहत असतात. त्याची क्रेझ नुकतीच एअरपोर्टवर पाहायला मिळाली. खरतर, अक्षय कुमार अलीकडेच दिग्दर्शक आनंद एल रायसोबत एअरपोर्टवर दिसला होता. तेव्हा त्याची एक महिला चाहती त्याच्याकडे आली आणि त्याला मिठी मारली. यादरम्यान अक्षय कुमार आणि महिला चाहती एकमेकांना पाहून खूप खूश दिसले. अक्षय कुमारचा हा व्हिडिओ सोशल मीडियावर मोठ्या प्रमाणात व्हायरल होत असून चाहत्यांना तो खूप आवडला आहे.

अक्षय कुमारचा व्हिडिओ व्हायरल
सेलिब्रिटी फोटोग्राफर विरल भयानी यांनी त्याच्या इंस्टाग्राम अकाउंटवर एक व्हिडिओ शेअर केला आहे. यामध्ये अक्षय कुमार काळ्या रंगाचा स्वेटशर्ट आणि पँटमध्ये दिसल्याचं पाहायला मिळत आहे. त्याच्यासोबत 'रक्षाबंधन' या चित्रपटाचे दिग्दर्शक आनंद एल राय देखील दिसले होते. यादरम्यान एक महिला येते आणि अक्षय कुमारला मिठी मारते आणि दोघेही खूप खुश होतात. हे पाहण्यासारखे दृश्य आहे. अक्षय कुमारचा हा व्हिडीओ समोर येताच चाहत्यांना त्याच्या साधेपणाची खात्री पटली आहे आणि त्याचं जोरदार कौतुक करत आहेत.

अक्षय कुमारचा 'रक्षा बंधन' हा चित्रपट 11 ऑगस्ट 2022 रोजी थिएटरमध्ये रिलीज होणार आहे. या चित्रपटात त्याच्यासोबत भूमी पेडणेकर दिसणार आहे. अक्षय कुमारच्या चित्रपटाची बॉक्स ऑफिसवर आमीर खान आणि करीना कपूरच्या 'लाल सिंग चड्ढा' चित्रपटाशी टक्कर होणार आहे. अक्षय कुमारचं या वर्षीचे मागील रिलीज बॉक्स ऑफिसवर फ्लॉप ठरले आहेत. मार्चमध्ये रिलीज झालेला 'बच्चन पांडे' आणि जूनमध्ये रिलीज झालेला 'सम्राट पृथ्वीराज' या चित्रपटाने फारशी कमाई केलेली नाही. अक्षय कुमार आता 'राम सेतू', 'गोरखा', 'सेल्फी', 'कॅप्सूल गिल'सह अनेक चित्रपटांमध्ये दिसणार आहे.