सलमान खान याला रोखणाऱ्या CISF जवानाचे सर्वत्र कौतुक, प्रामाणिकपणाचे मिळाले बक्षीस

मुंबई : बॉलिवूड अभिनेता (Bollywood Actor) सलमान खान (Salman Khan) याला मुंबई विमानतळावर (Mumbai Airport) तपासणीसाठी थांबवणाऱ्या CISF जवानाचा मोबाईल जप्त केल्याची बातमी आदल्या दिवशी खूप व्हायरल झाली. CISFचे जवान सोमनाथ मोहंती (Somnath Mohanti) यांच्यावर प्रोटोकॉलचे उल्लंघन केल्याचा आरोप होता. अधिकाऱ्यांनी सीआरपीएफ जवानाचा मोबाईल फोन जप्त केल्याचे सांगण्यात आले आणि त्याला माध्यमांशी बोलल्यामुळे समज देण्यात आली. पण या सर्व गोष्टी पूर्णपणे चुकीच्या असल्याचे पुढे आले आहे. CISFकडून असे स्पष्ट केले आहे की, असे काहीही झालेले नाही. (Bollywood Actor Salman Khan at Mumbai airport)

CISF ने आक्षेप घेतला

सीआयएसएफच्यावतीने (CISF) एका न्यूज पोर्टलच्या बातमीच्या आशयाला आक्षेप घेत ट्वीटमध्ये म्हटले आहे की, 'या ट्विटमध्ये नमूद केलेली माहिती चुकीची आहे आणि त्यात तथ्य नाही. खरं तर, या प्रकरणात गुंतलेल्या अधिकाऱ्याला कर्तव्य बजावताना व्यावसायिक दृष्टिकोन बाळगल्याबद्दल योग्य बक्षीस देण्यात आले आहे. सीआयएसएफच्या अधिकृत हँडलवरून हे ट्विट मोठ्या प्रमाणात व्हायरल होत आहे. ट्विटर वापरकर्ते यावर तीव्र प्रतिक्रिया देत आहेत.

व्हिडिओ व्हायरल झाला

अलीकडेच सलमान खान (Salman Khan) याचा एक व्हिडिओ सोशल मीडियावर व्हायरल झाला आहे. विमानतळावर रेकॉर्ड केलेल्या या व्हिडिओमध्ये दबंग खान (Dabangg Khan) आपल्या आलिशान कारमधून खाली उतरून गेटच्या दिशेने जाताना दिसत आहे. सीआयएसएफने सलमान याला थांबवल्यावर तो विमानतळावर प्रवेश करणार होता. सलमान खान याला लगेच समजले की ही सुरक्षा तपासणी आहे आणि तो लगेच त्याचा मास्क काढून सुरक्षा तपासणीचे नियम पाळत आहे. लोकांना सोशल मीडियावर दबंग खान (Dabangg Khan) याची ही भूमिका खूप आवडली आहे. अनेकांनी आपली प्रतिक्रिया देताना म्हटले आहे की, सीआरपीएफ जवान आणि त्याचे कर्तव्य करताना कोणताही भेदभाव न केला नाही. त्यामुळे त्याचे कौतुक केले आहे.

View this post on Instagram

A post shared by Viral Bhayani (@viralbhayani)

टायगर 3 मध्ये सलमान दिसणार 

दबंग खान (Dabangg Khan) लवकरच 'टायगर -3' चित्रपटात काम करताना दिसणार आहे. सलमान खान विमानतळावर दिसण्यामागील कारण हे देखील आहे की, तो त्याच्या आगामी मेगा चित्रपटाच्या शूटिंगसाठी निघत आहे. त्याला त्याच्या आगामी चित्रपटात जबरदस्त अॅक्शन पाहायला मिळेल. पण या चित्रपटाचा फर्स्ट लूक केव्हा रिलीज होईल हे अद्याप समजू शकलेले नाही.