BOX Office वर `पद्मावत` सिनेमाची पकड, कलेक्शन पाहून बसेल धक्का

मुंबई : 'पद्मावत' सिनेमाची जादू कायम

 एका बाजूला जो सिनेमा रिलीज होणार की नाही हा प्रश्न होता तिकडे पद्मावत सिनेमा आपली हटके बाजू सिद्ध करत आहे. बॉक्स ऑफिसवर पद्मावत सिनेमाची पकड कायम राहिली आहे. 2018 मध्ये अगदी धमाकेदार सुरूवात करणारा संजय लीला भन्साळीचा हा सिनेमा ठरला आहे. 

सिनेमाने केली एवढ्या करोडची कमाई? 

आतापर्यंत या सिनेमाने केलेली कमाई वाचून कुणालाच विश्वास बसणार नाही की, या सिनेमाला करणी सेनेकडून एवढा विरोध झाला होता. या सिनेमाने आतापर्यंत 200 करोड रुपयांची कमाई केली आहे. 16 फेब्रुवारी रोजी पद्मावत हा सिनेमा चौथ्या आठवड्यात प्रवेश करत आहे. चौथ्या आठवड्याच्या पहिल्या दिवशी शुक्रवारी पद्मावतने 1.75 करोड रुपयांची कमाई केली असून आतापर्यंत 269.50 करोड रुपये आतापर्यंत जमा झाले आहे. यामध्ये हिंदी, तामिळ आणि तेलगु भाषांच्या बिझनेसचा देखील समावेश आहे. 

25 जानेवारी रोजी संजय लीला भन्साळीने अनेक विरोधानंतर पद्मावत हा सिनेमा प्रदर्शित केला. करणी सेनेने या सिनेमाला अनेक राज्यात प्रदर्शनाला विरोध केला होता. एवढं सगळं असताना सिनेमा नव नवे रेकॉर्ड केले आहेत.