मुंबई : अनेकदा अनेक कलाकार कास्टिंग काऊचला बळी ठरतात.  बॉलिवूड इंडस्ट्रीत आतापर्यंत कास्टिंग काउचशी संबंधित अनेक प्रकरणे समोर आली आहेत. कास्टिंग काऊचला केवळ अभिनेत्रीच नाही तर अभिनेतेहे बळी पडले आहेत.  नुकतीच एका अभिनेत्रीने तिच्या संघर्षाचे दिवस आठवत  सांगितलं आहे की, तिला कास्टिंग काउचला सामोरं जावं लागलं आहे. इतकंच नाही तर कास्टिंग काउचमुळे अनेक सिनेस्टार कायदेशीर अडचणीत सापडले आहेत. त्याचबरोबर, आता बॉलिवूडची सुप्रसिद्ध आणि बोल्ड अभिनेत्री ईशा गुप्ताने कास्टिंग कॉलबद्दल खुलासा केला आहे. तिच्या म्हणण्यानुसार, तिला  एकदा नव्हे तर दोनदा कास्टिंग काउचचा सामना करावा लागला आहे.


COMMERCIAL BREAK
SCROLL TO CONTINUE READING

अभिनेत्री ईशा गुप्ता हिने अलीकडेच एका आउटडोअर शूट दरम्यान तिला आलेल्या भयानक कास्टिंग काउच अनुभवाबद्दल खुलासा केलाय. नुकत्याच दिलेल्या एका मुलाखतीत ईशाने सांगितलं की, तिला एकदा नव्हे तर दोनदा या भीतीदायक परिस्थितीचा सामना करावा लागला आहे. अभिनेत्रीने सांगितलं की, जेव्हा तिच्या एका चित्रपटाचं शूटिंग अर्ध पूर्ण झालं होतं, तेव्हा एका चित्रपट निर्मात्याने तिच्याकडे सेक्शुअल फेवर्स मागितलं होतं.


नुकत्याच दिलेल्या मुलाखतीमध्ये ईशा गुप्ता म्हणाली की, 'चित्रपट अर्धा पूर्ण झाला होता. त्यानंतर त्यांना मी काही गोष्टींना नकार दिल्यावर सहनिर्मात्याने निर्मात्याला सांगितलं की, मला ही अभिनेत्री सिनेमात नको आहे.  ही सेटवर काय करत आहे? यानंतर काही निर्मात्यांनी मला चित्रपटात कास्ट करण्यासही नकार दिला. मी ऐकलं होतं की, हे लोकं माझ्याबद्दल म्हणायचे की, मी काही केलं नाही तर मला चित्रपटात घेण्याचा काय फायदा?अभिनेत्रीने हे देखील उघड केलं की, एकदा आऊटडोअर शूट दरम्यान, तिला तिच्या खोलीत कोणीतरी प्रवेश केल्याची भीती वाटत होती आणि म्हणूनच तिने तिच्या मेकअप आर्टिस्टला तिच्यासोबत त्याच खोलीत झोपण्याची विनंती केली.


ईशा पुढे म्हणाली, 'दोन लोकांनी कास्टिंग काऊचचा सापळा रचला होता. मला समजलं होतं पण तरीही मी चित्रपट केला कारण त्यांच्या बाजूने ते एक छोटेसं पाऊल होतं. आऊटडोअर शूटच्या वेळी मी त्यांच्या फंदात पडेन असं त्यांना वाटत होतं. मी पण हुशार होतो, मी म्हणालो की, मी एकटा झोपणार नाही. मी माझ्या मेकअप आर्टिस्टला माझ्या खोलीत झोपायला बोलावलं.


ईशा गुप्ता सध्या कोणत्याही चित्रपटात किंवा वेब सीरिजमध्ये दिसणार नाही, पण ती सोशल मीडियावर खूप सक्रिय असते. चाहत्यांना तिचे फोटो आणि व्हिडिओ खूप आवडतात. वर्क फ्रंटबद्दल बोलायचं झालं तर, ईशा गुप्ताने 2012 मध्ये 'जन्नत 2' चित्रपटाद्वारे बॉलिवूडमध्ये पदार्पण केलं. तिने 'राज 3', 'गोरी तेरे प्यार में', 'हमशकल्स', 'रुस्तम', 'टोटल धमाल', 'पलटन', 'बादशाहो' यांसारख्या चित्रपटांमध्ये काम केलं आहे. ती शेवटची 'एक बदनाम...आश्रम सीझन 3' मध्ये बॉबी देओलसोबत दिसली होती.