काजल अग्रवालकडून मुलाचा पहिला फोटो शेअर; पाहा झलक

मुंबई : काजल अग्रवालने नुकताच तिचा मुलगा नील किचलूचा एक सुंदर फोटो शेअर केला आहे. फोटोमध्ये काजलने चिमुकल्याला आपल्या अंगावर घेतलेलं दिसत आहे. फोटो शेअर करत काजलने लिहिलं, 'माझ्या आयुष्यातील प्रेम'.  #हार्टबीट' असं तिने कॅप्शन लिहिलं आहे. या फोटोला तिच्या चाहत्यांनी आणि मित्रांनी लाइक केलं आहे. अभिनेत्री कीर्ती सुरेशने लिहिलं, "OMG", तर राशि खन्नाने फोटोवर हार्ट इमोजी शेअर केले आहेत.

आई आणि मुलाच्या फोटोवर चाहत्यांनीही भरभरून प्रेमाचा वर्षाव केला आहे. या आठवड्याच्या सुरुवातीला, एका फॅन पेजने एक व्हिडिओ शेअर केला होता. ज्यामध्ये काजलचा भाऊ ईशान छोट्या नीलचा हात धरून त्याच्या पाठीवर थाप मारताना दिसत होता. व्हिडिओवर प्रतिक्रिया देत काजल अग्रवाल म्हणाली की, इशान आणि नील दोघंही तिचे हार्टबिट्स आहेत.

काही दिवसांपुर्वी काजल अग्रवालने मुलगा नीलच्या जन्माची एक नोट शेअर केली होती. काजल अग्रवाल आणि तिचा पती गौतम किचलू यांनी या वर्षी एप्रिलमध्ये त्यांच्या पहिल्या मुलाचं स्वागत केलं. मे महिन्यात, काजलने एक पोस्ट शेअर केली होती. ज्यामध्ये तिने तिच्या मुलाला तिच्या मिठीत घेतलं होतं. तिने नीलसाठी एक पोस्ट लिहिली, मला वाटतं हे तुला समजायला हवं की,  तू किती मौल्यवान आहेस आणि नेहमीच राहशील.

आई होणं काय असतं हे तू मला शिकवलंस. तू मला निस्वार्थी व्हायला शिकवलंस. शुद्ध प्रेम करायला शिकवलं. माझ्या शरीराबाहेर तुझ्या रूपात माझ्या हृदयाचा तुकडा आहे हे तू मला शिकवलं आहेस. मी प्रार्थना करतो की तुम्ही मजबूत राहा आणि तुमचं हृदय स्वच्छ ठेव.