मुंबई : चित्रपटसृष्टीतील ज्येष्ठ गायिका आणि भारतरत्न लता मंगेशकर (Lata Mangeshkar) यांचे निधन झालंय. संपूर्ण देश दु:खात बुडाला आहे. लतादीदींच्या गाण्यांनी त्यांना कायमचे अमर केले. पण तुम्हाला माहीत आहे का की, तुमच्या हृदयावर राज्य करणाऱ्या लता मंगेशकर यांनीही अनेक चित्रपटांमध्ये काम केले आहे. जाणून घेऊया त्यांच्या आयुष्याशी संबंधित महत्त्वाच्या गोष्टी. (Lata Mangeshkar began her career in the entertainment industry as an actor)


COMMERCIAL BREAK
SCROLL TO CONTINUE READING

बारीक आवाजामुळे नकार


लता मंगेशकर आपल्या सुरेल आवाजाने आणि गायनाने वर्षानुवर्षे लोकांच्या हृदयावर राज्य करत आहेत. देशातच नाही तर परदेशातही लतादीदींच्या गायकीची जादू दिसते. लतादीदींना लहानपणापासूनच गाण्याची आवड होती. वयाच्या ५ व्या वर्षी त्यांनी गायला सुरुवात केली.


लता मंगेशकर यांनी ज्या वेळी पार्श्वगायिका म्हणून बॉलिवूड इंडस्ट्रीत प्रवेश केला, त्या वेळी त्यांना नाकारण्यात आले, कारण त्या वेळी नूरजहाँ आणि शमशाद बैगम सारख्या वजनदार गायकांचा बोलबाला होता, असे म्हटले जाते. लतादीदींचा आवाज त्या काळात खूपच पातळ मानला जात होता.



8 हून अधिक चित्रपटांमध्ये काम


पार्श्वगायिका होण्यापूर्वी लता मंगेशकर यांनी अनेक चित्रपटांमध्ये काम केले असल्याचेही अनेक मीडिया रिपोर्ट्समध्ये म्हटले आहे. वृत्तानुसार, 1942 मध्ये लता मंगेशकर यांच्या वडिलांचे निधन झाले तेव्हा कुटुंबाची संपूर्ण जबाबदारी त्यांच्यावर आली. कुटुंबाच्या गरजा पूर्ण करण्यासाठी लता मंगेशकर यांनी चित्रपटांमध्ये काम केले. रिपोर्ट्सनुसार, लतादीदींनी 1942 ते 1948 या काळात 8 हून अधिक चित्रपटांमध्ये काम केले. पण एकाही चित्रपटातून त्यांना यश मिळाले नाही.


लता मंगेशकर यांना चित्रपटांमध्ये यश मिळाले नाही, तेव्हा त्यांनी एका मराठी चित्रपटात पार्श्वगायिका म्हणून पदार्पण केले, परंतु त्यांचे पहिले गाणे चित्रपटातून काढून टाकण्यात आले. या गाण्याचे नाव होते नाचू या गडे, खेळू सारी मनी हौस भारी. सदाशिवराव नेवरेकर यांनी 1942 मध्ये आलेल्या किट्टी हसल या मराठी चित्रपटासाठी हे गाणे संगीतबद्ध केले होते.


लतादीदींच्या आयुष्यातील हे पहिलं गाणं कधीच रिलीज होऊ शकलं नाही, पण पार्श्वगायिका म्हणून त्यांचा प्रवास इथून सुरू झाला आणि मग एकापाठोपाठ एक गाणं गाऊन त्यांनी आपल्या सुमधुर आवाजाची छाप सोडली आणि लोकांच्या मनावरही छाप सोडली.