मुंबई : देशभरात कोरोनाचा प्रादुर्भाव वाढत आहे. अशावेळी महाराष्ट्रात लॉकडाऊनचा निर्णय घेऊन नियमावली कठोर करण्यात आली. लॉकडाऊनच्या काळात अनेक गोष्टींवर निर्बंध लादण्यात आले आहेत. यामध्ये मालिका, सिनेमांच्या चित्रिकरणावर पूर्णपणे बंदी आणण्यात आली आहे. अशावेळी लॉकडाऊनमध्ये घरात असलेल्या प्रेक्षकांसाठी झी मराठी सज्ज आहे. 



पण या परिस्थितीत प्रेक्षकांचं मनोरंजन करण्यासाठी झी मराठीने कंबर कसली आहे. झी मराठीवरील 'पाहिले न मी तुला', 'येऊ कशी तशी मी नांदायला', 'माझा होशील ना', 'अग्गबाई सूनबाई', 'देवमाणूस', 'चला हवा येऊ द्या' या मालिकांचं चित्रिकरण आता बेळगाव, गोवा, सिलवासा, दमण आणि जयपूर याठिकाणी होणार आहे.