मिका सिंगच्या होणाऱ्या बायकोच्या अंगावार आहे एक्स बॉयफ्रेंडच्या नावाचा टॅटू; पाहा फोटो

मुंबई : बॉलिवूडचा प्रसिद्ध गायक मिका सिंगचा स्वयंवर खूप चर्चेत होता. वयाच्या ४५व्या वर्षी मिका सिंगच्या होणाऱ्या बायकोचा शोधही पूर्ण झाला आहे. गायकाने राष्ट्रीय टेलिव्हिजनवर आपल्या होणाऱ्या बायकोची निवड केली आहे. मिका सिंगच्या स्वयंवर मिका दी वोहतीच्या अंतिम फेरीत गायकाने अभिनेत्री आकांक्षा पुरी हिला सिलेक्ट केलं आहे.

मिका दी वोहती होण्यापूर्वीच आकांक्षा पुरी तिच्या लव्ह लाईफमुळे चर्चेत आली होती. मिका सिंगच्या आधी आकांक्षा पुरीने एका प्रसिद्ध स्टारला डेट केलं होतं आणि त्यांचं नातंही वादात सापडलं होतं.

टॅटूवर नाव मिळालं
पारस छाबरासोबतच्या तिच्या लव्ह लाईफमुळे आकांक्षा पुरी नेहमीच चर्चेत राहिली होती. इतकंच नाही तर आकांक्षा आणि पारसने त्यांच्या हातावर  एकमेकांच्या नावाचा टॅटूही काढला होता. ज्याचे फोटो त्यांनी इन्स्टा स्टोरीवर चाहत्यांसोबत शेअर केले आहेत. पारस बिग बॉसमध्ये गेला तेव्हा त्यांचं नातं आणि चॅट खूप व्हायरल झालं. मात्र, घरात गेल्यानंतर पारसने आपलं ब्रेकअप झाल्याचा खुलासा केला आणि तो माहिरा शर्मासोबत रिलेशनशिपमध्ये आला.

पारस-आकांक्षाने मूव्ह ऑन केलं
त्याचवेळी आकांक्षाही पुढे निघून गेली. या शोमध्ये आकांक्षा पुरीसोबत बंगालची प्रणितिका दास आणि नीत महल फायनल झाल्या होत्या. पण दोघांनाही हरवून आकांक्षा पुरीने मिका सिंगचा हा स्वयंवर जिंकला आहे. यानंतर दोघांनी एकमेकांना पुष्पहार घातला, ज्याचे फोटो सोशल मीडियावर मोठ्या प्रमाणात व्हायरल होत आहेत.