मुंबई : सोशल मीडियात कोण, कधी आणि कुठे ट्रोल होईल हे सांगता येत नाही. बॉलिवूड अभिनेते तर नेहमीच सोशल मीडियात ट्रोल होत असतात. आता या यादीत प्रसिद्ध गायिका नेहा भसीन सुद्धा आली आहे. लोकांनी नेहाला तिच्या ड्रेसमुळे ट्रोल केलंय. पण यावेळी नेहा ट्रोलर्सना महागात पडत असल्याचे दिसत आहे. 


इन्स्टाग्रामवरील फोटो वादात


COMMERCIAL BREAK
SCROLL TO CONTINUE READING

नेहा बसीनने नुकतेच काही तिचे काही फोटो आणि एक व्हिडिओ इन्स्टाग्रामवर शेअर केलेत. हे फोटो आणि व्हिडिओ नेहा बसीनच्या एका स्टेज शोमधील आहेत. ज्यात ती डान्सर्ससोबत परफॉर्म करताना दिसत आहे. या फोटोंमध्ये नेहाने ब्लॅक ट्रान्सपरंट टॉप परीधान केला आहे. ज्यात ती अधिक बोल्ड आणि बिनधास्त दिसत आहे. हेच लोकांना पसंत पडलं नही आणि लोकांनी तिला ट्रोल करणं सुरू केलं. 



कुणी नेहाला ‘जाड’ म्हटलं तर कुणी ‘एका गायिकेने असे कपडे घालणे योग्य नाहीये’ असे म्हटले. 




 
अशात एक यूजर म्हणाला की, ‘हे काय घातलंय, हे बरोबर नाहीये सिस्टर’. यावर नेहाने यूजरला उत्तर दिले. 



नेहाने दिलं सडेतोड उत्तर


नेहाने त्या यूजरला सडेतोड उत्तर देत लिहिले की, ‘सिस्टर? माझी बहिण सोशल मीडियात न कुणाचा पाठलाग करत ना उगाच कुणाला सल्ला देत. त्यामुळे कृपया बहिण या शब्दाचा वापर करू नका’. 


नेहाने नुकत्याच आलेल्या सलमान खानच्या ‘टायगर जिंदा है’ सिनेमातील ‘स्वॅग से स्वागत’ गाण्याला आपला आवाज दिलाय.