मुंबई : प्रियंका चोप्रा आणि निक जोनसने गुरूवारी मुंबई बॉलिवूड कलाकारांसोबत लग्नाचा आनंद साजरा केला. प्रियंका - निकच्या या आनंदात बॉलिवूडचे सगळे कलाकार सहभागी झाले होते. पण या लग्नात दीपवीरचा अंदाज देखील पाहण्यासारखा होता. 


COMMERCIAL BREAK
SCROLL TO CONTINUE READING

प्रियंका - रणवीर आणि दीपिका या तिघांचा 'बाजीराव मस्तानी' हा सिनेमा अतिशय गाजला. संजय लीला भन्साळी यांच्या सिनेमात रणवीर सिंहने बाजीरावची तर प्रियंकाने पत्नी काशीबाईची आणि दीपिकाने प्रेमिका मस्तानीची भूमिका साकारली होती. 



या सिनेमातील प्रियंका आणि दीपिका 'पिंगा' हे गाणं अतिशय लोकप्रिय ठरलं. याच गाण्यावर आपल्या स्टाइलने रिसेप्शनला ठेका धरताना या दोघींबरोबर रणवीर देखील दिसला. 



गुरूवारी प्रियंका आणि निकने मुंबईत दुसरं रिसेप्शन ठेवलं जे फक्त बॉलीवूड कलाकारांसाठी होतं. या रिसेप्शनला काजोल, रेखा, आशा भोसले, उर्मिला मातोंडकर, रणवीर सिंह, दीपिका पदुकोण, सलमान खान, जान्हवी कपूर, सारा अली खान, शाहिद कपूर यासारखे सितारे उपस्थित होते. 



या रिसेप्शन पार्टीचा एक व्हिडिओ समोर आला आहे. ज्या गाण्यात प्रियंका - दीपिका 'पिंगा' गाण्यावर डान्स केला आहे. या डान्समध्ये रणवीर देखील एका वेगळ्याच अंदाजात दिसत आहे. 


दुसऱ्या व्हिडिओत प्रियंका, दीपिकासोबत रणवीर आणि परिणीति चोप्रा देखील दिसत आहे. हा व्हिडिओ अतिशय व्हायरल झाला आहे.