आता विद्यार्थ्यांना पेपरमध्ये विचारलं जाणार Taimur Ali Khan चं नाव?

मुंबई : करिना कपूर खान आणि सैफ अली खान यांचा मुलगा तैमूर नेहमीच वेगवेगळ्या कारणांमुळे चर्चेत असतो. त्याचे फोटो आणि व्हिडिओ कमालीचे व्हायरल होताना दिसून येतात. कॅमेरासमोर तो मोकळेपणाने वावरताना दिसते.

करिना आणि सैफप्रमाणे आता त्याचं ही मोठं फॅन फॉलोविंग आहे. लोक त्याला ओळखतात. पण तैमूरबाबत सखोल अभ्यास करण्याची वेळ आता मुलांवर आली आहे. त्याचं कारण म्हणजे एका शाळेत मुलांना तैमूरशी निगडीत प्रश्न परिक्षेत विचारण्यात आला आहे.

मध्य प्रदेशातील खांडवा येथील शाळेत परीक्षेत एक असा प्रश्न विचारण्यात आला, त्यानंतर गोंधळ झाला. हा प्रश्न करीना कपूर आणि सैफ अली खानचा मुलगा तैमूर अली खानबद्दल होता. असा प्रश्न विचारल्याबाबत शिक्षण अधिकाऱ्यांनी शाळेला नोटीस बजावली आहे.

सामान्य ज्ञानातील चालू घडामोडीशी संबंधित विभागात करीना कपूर खान आणि सैफ अली खान यांच्या मुलाचे पूर्ण नाव काय आहे असा प्रश्न विचारण्यात आला. खांडवाचे जिल्हा शिक्षण अधिकारी संजीव म्हणाले, शाळेला नोटीस पाठवण्यात आली असून त्यांच्यावर कारवाई केली जाईल. असे प्रश्न विचारले जाऊ नयेत, असे मलाही वाटते, असेही संजीव म्हणाले.

करीना आणि सैफचा मुलगा तैमूरच्या नावावरून याआधीही बराच गदारोळ झाला आहे. या दोघांनी जेव्हा तैमूरच्या नावाची घोषणा केली तेव्हा दोन्ही स्टार्स विशेषत: करीना कपूरला याबद्दल खूप ट्रोल करण्यात आले.तसे, तैमूरच नाही तर करीना आणि सैफने लहान मुलाचे नाव जहांगीर ठेवले तेव्हा पुन्हा गदारोळ झाला.