Fussclass Dabhade Movie : ‘झिम्मा 2’ च्या यशानंतर दिग्दर्शक हेमंत ढोमे आता 'फसक्लास दाभाडे' हा चित्रपट घेऊन प्रेक्षकांच्या भेटीला येणार आहे. तर दिवाळीच्या शुभ मुहूर्तावर या चित्रपटाचे नवीन पोस्टर प्रदर्शित करण्यात आले. आता या चित्रपटात काय पाहायला मिळणार आहे याकडे सगळ्यांचे लक्ष लागले आहे. त्यासोबत चित्रपट प्रदर्शनाची तारिखेची देखील घोषणा केली आहे. 


COMMERCIAL BREAK
SCROLL TO CONTINUE READING

चित्रपटाच्या पोस्टरमध्ये कुटुंब एकत्र येऊन दिवाळी साजरी करताना दिसतायत. त्यामुळे हा चित्रपट संपूर्ण कुटुंबाचं मनोरंजन करणारा ठरणार आहे. सगळ्यात महत्त्वाचं म्हणजे हेमंत ढोमेचे चित्रपट हलक्या-फुलक्या पद्धतीनं काहीतरी संदेश देणारे असतात. एखादा संवेदनशील विषयाला उत्तमरित्या हाताळण्याची तो कमाल आहे. त्यामुळे हा चित्रपटही काहीतरी हटके असणार, हे नक्की! 



आपला आनंद व्यक्त करताना निर्माते आनंद एल राय या चित्रपटाविषयी बोलताना म्हणाले, “दिवाळीच्या शुभ मुहूर्तावर आम्हाला हे जाहीर करताना अत्यंत आनंद होत आहे की, हा चित्रपट 24 जानेवारी 2025 रोजी चित्रपटगृहात प्रदर्शित होणार आहे. या चित्रपटात तुम्हाला भाऊ-बहिणींचे मजेदार आणि भावनिक नातेसंबंध पाहायला मिळतील, त्यासोबतच भावंडांमधील प्रेम आणि नोकझोक पाहायला मिळेल. हास्य आणि हृदयस्पर्शी भावनांचा संगम असलेली ही कथा आपल्यापैकी अनेकांना आपलीशी वाटेल. भावंडांमधली गोड नाती असोत किंवा खेळकर वादविवाद, ही गोष्ट तुमच्या आठवणींना पुन्हा जागं करेल.”


हेमंत ढोमे म्हणाला, 'हा चित्रपट माझ्या जीवनातील काही अनुभवांवर आधारित आहे. भावंडांची आणि त्यांच्या कुटूंबाची गोष्ट सांगणारा हा चित्रपट तुमच्या आमच्या घरात घडणाऱ्या बऱ्याच गोष्टींवर आधारित आहे. हा चित्रपट प्रेक्षकांना खळखळून हसवेल आपल्या नातेवाईकांची, सग्या सोयऱ्यांची आठवण करून देईल आणि आपण आपल्याच कुटूंबाची कथा मोठ्या पडद्यावर बघतोय असा अनुभव प्रेक्षकांना देईल याची मला खात्री आहे.'


हेही वाचा : 'सलमाननं ऐश्वर्याच्या खांद्याचं हाड मोडलं होतं आणि...', 'सलमानपेक्षा लॉरेन्स परवडाला' म्हणत अभिनेत्रीचं खळबळजनक विधान


‘फसक्लास दाभाडे’ हा टी-सीरीज, कलर यल्लो प्रॉडक्शन आणि चलचित्र मंडळी यांच्यातील एक उपक्रम आहे ज्यामुळे आनंद एल राय, क्षिती जोग आणि हेमंत ढोमे हे पुन्हा एकदा ‘झिम्मा 2’ नंतर एकत्र येणार आहेत. 24 जानेवारी रोजी प्रदर्शित होणाऱ्या या चित्रपटाच्या डिस्ट्रीब्यूशन अनिल थडानी यांच्या ए ए फिल्म्सने केले आहे. प्रेक्षकांच्या मनोरंजनासाठी घेऊन येण्यासाठी सज्ज झाले आहेत. दिवाळीच्या शुभ मुहूर्तावर चित्रपटाचे नवीन पोस्टर आणि प्रदर्शनाची तारीख सोशल मीडियावर जाहीर करण्यात आली असून अमेय वाघ, क्षिती जोग, सिद्धार्थ चांदेकर यांच्यासह निवेदिता सराफ, हरिष दुधाडे, राजन भिसे, राजसी भावे यांच्याही प्रमुख भूमिका आहेत.