‘हम्मा-हम्मा’ गाण्यावर जॅकलीन-सुशांतचा रोमॅंटिक डान्स, VIDEO पाहून व्हाल फिदा

मुंबई : बॉलिवूड अभिनेत्री जॅकलीन फर्नांडीस आणि अभिनेता सुशांत सिंह राजपूत यांचा एक डान्स व्हिडिओ सध्या चांगलाच चर्चेत आला आहे. या डान्स व्हिडिओत दोघांमध्ये कमालीची केमिस्ट्री बघायला मिळत आहे.

सुशांतने हा व्हिडिओ त्याच्या इन्स्टाग्रामवर शेअर केला आहे. आतापर्यंत ३ लाखांपेक्षा जास्त लोकांनी हा व्हिडिओ पाहिलाय. 

‘हम्मा हम्मा’ हा गाण्यावर सुशांत आणि जॅकलीन रिहर्सल करतानाचा हा व्हिडिओ आहे. दोघांनीही धमाकेदार डान्स केला असून दोघांची केमिस्ट्रीही लाजवाब आहे. सुशांत आणि जॅकलीन लवकरच एका सिनेमात एकत्र बघायला मिळणार आहे. करण जोहरच्या आगामी ‘ड्राईव्ह’ मध्ये हे दोघे मुख्य भूमिकेत असतील. हा सिनेमा मार्च २०१८ मध्ये होळी दरम्यान रिलीज होणार आहे. 

शर्टलेस सुशांतचा डान्स

सुशांतचा आणखी एक व्हिडिओ चर्चेत आला असून सुशांत सिंह राजपूत यात शर्टलेस दिसत आहे. त्याच्या ‘राबता’ या सिनेमातील गाण्यावर तो डान्स करतो आहे. दोन दिवसांपूर्वी शेअर झालेल्या व्हिडिओला ४ लाख लोकांनी पाहिला आहे. 

सुशांतने आतापर्यंत त्याच्या डान्स प्रॅक्टीसचे सात व्हिडिओ इन्स्टाग्रामवर शेअर केले आहेत.