`तारक मेहता..` मधून `हे` पात्रही हटवले जाणार?

मुंबई : सब टीव्हीवरील 'तारक मेहता....' ही अत्यंत लोकप्रिय मालिका गेले काही दिवस  बातम्यांचा एक भाग होत आहे. 

काही वादांमुळे यामालिकेवर बंदीची मागणी  झाली. त्यानंतर 'दयाबेन' हे पात्र साकारणारी दिशा वाकनी गरोदरपणामुळे या मालिकेपासून दूर गेली आणि आता पोपटलाल हे पात्र साकारणारा श्याम पाठकही या मालिकेतून जाण्याची शक्यता आहे. 

श्याम पाठक आणि मालिकेच्या निर्मात्यांमध्ये वाद झाल्याने श्यामला मालिकेपासून दूर ठेवण्याचा विचार सुरू आहे. एका कार्यक्रमासाठी 'तारक ..' या मालिकेतील जेठा लाल म्हणजेच दिलीप जोशीला लंडनहून एका कार्यक्रमाचे मागणे आले होते. जेठालाल आणि पोपटलाल यांच्यामधील धमालमस्ती तेथील रसिकांसमोर मांडण्यासाठी श्यामदेखील लंडनला पोहचले. मात्र या कार्यक्रमाची निर्मात्यांना माहिती न दिल्याने वाद झाला आहे. 

 लंडनहून परतल्यानंतर श्यामने निर्मात्यांची भेट घेतली.पण या भेटीत वाद झाल्याने श्यामला मालिकेपासून काही दिवस दूर ठेवले असल्याची माहिती एका वेबसाईटने दिली आहे.