माधुरी दीक्षितसोबत स्क्रिन शेअर करणारा अभिनेता लग्नबंधनात

मुंबई : 90 च्या दशकातील सुपरहिट अभिनेत्री माधुरी दीक्षितने नुकताच डिजिटल डेब्यू केला आहे. अभिनेत्रीची पहिली वेब सीरिज द फेम गेम लोकांना खूप आवडली. या सिरीजमध्ये गगन अरोरा देखील तिच्या सहकलाकाराच्या भूमिकेत दिसला होता. आता त्याने चाहत्यांना एक आनंदाची बातमी दिली आहे. नुकतच  गगन अरोराचं लग्न झालं आहे.

गगनने त्याच्या लग्नाचे फोटो सोशल मीडियावर शेअर केले आहेत. सगळ्या बाजूंनी लोकं त्यांचं अभिनंदन करण्यात व्यस्त आहेत.  गगनने त्याची  गर्लफ्रेंड मुदितासोबत लग्न केलं आहे. गगन अरोरा सोशल मीडियावर खूप लोकप्रिय आहे. तो सतत त्याच्या वैयक्तिक आयुष्याशी संबंधित अपडेट्स सोशल मीडियावर शेअर करत असतो.

आता त्याने इन्स्टाग्रामवर त्याच्या लग्नाचे फोटो शेअर केले आहेत. ज्यामध्ये त्याची पत्नी मुदितासोबतची केमिस्ट्री पाहायला मिळत आहे.  या कपलने त्यांचं  वेडिंगशूट थोड्या वेगळ्या पद्धतीने केलं आहे. जे एका अनोख्या थीमवर आधारित आहे.  फोटो शेअर करत गगनने लिहिलं, जवळपास एक वर्षापूर्वी, कोरोनाच्या तिसऱ्या लाटेच्या शेवटी, अनेक बंधनांमधून, कुटुंब आणि जवळच्या लोकांमध्ये एक नवीन प्रवास सुरू झाला.

 तू मला दररोज एक चांगला माणूस बनवतेस. फोटो शेअर करताना गगनने एक मजेशीर वर्णनही लिहिलं आहे. जे वाचून तुम्हीही या कपलच्या अप्रतिम बाँडिंगचा अंदाज लावू शकता. चाहत्यांना या कपलचे फोटो खूप आवडतात आणि ते त्यांच्या प्रेमाचा वर्षाव करत आहेत. यासोबतच लग्नासाठी अनेक शुभेच्छाही दिल्या जात आहेत.