नेटफ्लिक्स वरील 6 अद्भुत सायन्स फिक्शन चित्रपट, ज्यामुळे तुम्ही तंत्रज्ञानाच्या भविष्याबद्दल विचार करू लागाल...
best science fiction movies on netflix: नेटफ्लिक्स वर अनेक सायन्स फिक्शन चित्रपट आहेत. जे तुम्हाला एका वेगळ्या आणि रोमांचक जगात घेऊन जाईल. या चित्रपटांमध्ये सादर केलेल्या भविष्यकालीन तंत्रज्ञान, अनोख्या कल्पनाशक्ती आणि ग्राफिक्स तुम्हाला खिळवून ठेवतील. जर तुम्ही सायन्स फिक्शन प्रेमी असाल, तर हे वीकेंड तुमच्यासाठी एक उत्तम संधी असू शकते. पाहुयात नेटफ्लिक्सवरील 6 उत्कृष्ट सायन्स फिक्शन चित्रपटांची यादी, जे तुमचं मनोरंजन करतील आणि तुम्हाला नक्कीच विचार करण्यास भाग पाडतील.
1/7
1. 'कार्गो' (2019)
हा एक वेगळ्या प्रकारचा बॉलिवूड सायन्स फिक्शन चित्रपट आहे, जो एक स्पेसशिपवरील अद्भुत प्रवासावर आधारित आहे. चित्रपटात विक्रांत मॅसी आणि श्वेता त्रिपाठी मुख्य भूमिकेत आहेत. विक्रांत मॅसी या चित्रपटात एक आधुनिक यमराजाच्या भूमिकेत आहे. जो मृत्यूनंतरच्या भविष्यातील घटना हाताळतो. 'कार्गो'च्या कथेमध्ये एक अद्वितीय विज्ञान-कल्पनारम्य मिश्रण आहे, जे भविष्याची आणि तंत्रज्ञानाची एक वेगळी झलक दर्शवते. चित्रपटातील स्पेसशिप राइड्स आणि भविष्यकालीन तंत्रज्ञान दर्शवणारे दृश्य प्रेक्षकांना आकर्षित करतात.
2/7
2. 'रेडी प्लेयर वन' (2018)
स्टीव्हन स्पीलबर्ग दिग्दर्शित रेडी प्लेयर वन एक भविष्यातील आभासी वास्तव (Virtual Reality) चा अनुभव देणारा चित्रपट आहे. 2045 मध्ये, जगात तंत्रज्ञानाने सर्वसामान्य जीवन बदलून टाकले आहे आणि लोक एका डिजिटल जगातील साहसी खेळात भाग घेतात. हा चित्रपट तंत्रज्ञानाच्या गतीशीलतेवर, आभासी जगाच्या प्रभावावर आणि मानवी अस्तित्वाच्या महत्त्वावर विचार करायला भाग पाडतो. चित्तथरारक कथा आणि प्रभावशाली व्हिज्युअल इफेक्ट्स तुमचा अनुभव विस्मयकारक करतील.
3/7
3. 'स्पेक्ट्रल' (2016)
'स्पेक्ट्रल' एक गुप्तचर आणि त्याच्या मिशनावर आधारित चित्रपट आहे. जो खूप वेगळ्या प्रकारचा सायन्स फिक्शन आहे. या चित्रपटात विशेष ऑप्स एजंट्स एक गूढ आणि धोकादायक स्पिरिट फोर्सशी लढतात. अत्याधुनिक तंत्रज्ञानाचा वापर करून, ते या अदृश्य शत्रूंना पराभूत करण्याचा प्रयत्न करतात. स्पेक्ट्रल ची कथा आणि शैली इतर सायन्स फिक्शन चित्रपटांपेक्षा वेगळी आहे, जी प्रेक्षकांना एक ताजा अनुभव देते.
4/7
4. 'द अ‍ॅडम प्रोजेक्ट' (2022)
2022 मध्ये प्रदर्शित झालेल्या या चित्रपटाची कथा टाईम ट्रॅव्हल करणाऱ्या एका व्यक्तीभोवती फिरते. ज्याचा उद्देश भविष्य वाचवणे हा आहे. चित्रपटात तो वेगवेगळ्या काळात प्रवास करतो, जेणेकरून भविष्यात होणाऱ्या चुका वेळीच सुधारता येतील. शॉन लेव्ही यांनी या चित्रपटाचे दिग्दर्शन केले आहे. टाईम ट्रॅव्हलच्या मदतीने काही मोठी संकटे कशी टाळता येतात आणि चांगल्या भविष्याच्या दिशेने पावले कशी टाकता येतात हे या चित्रपटात दाखवण्यात आले आहे.
5/7
5. 'द मॅट्रिक्स' (1999)
जर तुम्हाला सायन्स फिक्शन आवडत असतील तर हा चित्रपट तुमच्यासाठी एक उत्तम पर्याय ठरू शकतो. या चित्रपटात, निओ (कीनू रीव्हस) एका वेगळ्या विश्वात प्रवेश करतो, 1999 मध्ये प्रदर्शित झालेला हा चित्रपट खूप प्रसिद्ध आहे आणि प्रेक्षकांकडून त्याला खूप दाद मिळाली आहे. आत्तापर्यंत या चित्रपटाचे चार भाग प्रदर्शित झाले आहेत आणि प्रत्येक भागाने आपल्या अनोख्या कथा आणि चमकदार तंत्रज्ञानाद्वारे लोकांची मने जिंकली आहेत. या चित्रपटाचे वैशिष्ट्य म्हणजे त्याची रोमांचक कथा आणि अनोखी कल्पनाशक्ती, जी तुम्हाला एका वेगळ्याच विश्वात घेऊन जाते.
6/7
6. 'द प्लॅटफॉर्म' (2019)
हा चित्रपट एक वेगळ्या प्रकारच्या समाजव्यवस्थेचा अभ्यास करतो. द प्लॅटफॉर्म मध्ये एक कारागृह दाखवले जाते, जिथे कैदी एका ऊर्ध्वगामी प्लॅटफॉर्मवर ठेवले जातात, ज्यावरून वेळोवेळी जेवण खाली येते. पहिल्या स्तरावर असलेले कैदी सर्वात आधी जेवण मिळवतात आणि खाली असलेल्या कैद्यांना जेवण तितके मिळत नाही. ही असमानता आणि संघर्ष दर्शवणारी कथा प्रेक्षकांना धक्का देते आणि समाजातील असमानता आणि अन्यायावर तिरस्कार करणारा संदेश देते.
7/7
