मुंबई : आज ऑनलाईन अनेक ब्युटी प्रोडक्टस मिळतात. पण या प्रोडक्टसवर किती विश्वास ठेवायचा हा प्रश्न साऱ्यांनाच पडतो. अशावेळी प्रोडक्ट सेलर वेगवेगळ्या कलाकारांना घेऊन जाहिराती करतात आणि या प्रोडक्टमध्ये किती विश्वासार्हता आहे हे पटवून देतात. पण असं ऑनलाईन प्रोडक्ट खरेदी करून त्याचा वापर करणं एका लोकप्रिय अभिनेत्रीला महागात पडलं आहे. 


COMMERCIAL BREAK
SCROLL TO CONTINUE READING

'कॉमेडी नाइट्स विथ कपिल' आणि 'द कपिल शर्मा शो' सारख्या शोमध्ये कपिल शर्माची ऑनस्क्रीन पत्नी असलेली सुमोना चक्रवर्ती ही सध्या आपल्या स्किनमुळे अधिक चर्चेत आहे. ती सध्या आपल्या सोशल पोस्टमुळे चर्चेत आहे. कामाच्या गडबडीत सुमोनाला आपल्या रोजच्या पार्लरमध्ये जाता आलं नाही. त्यामुळे तिने एका जवळच्या ऑनलाईन ब्युटी पार्लरमधील सर्विसचा वापर करून वॅक्सिंग केलं. वॅक्सिंग केल्यानंतर तिच्या अंडर आर्मसखाली रॅशेस आल्याच समोर आलं. सुमोनाने सोशल मीडियावर एक पोस्ट टाकून आपली व्यथा मांडली असून जागृकता देखील केली आहे. 



सध्या ही पोस्ट सोशल मीडियावर खूप व्हायरल होत आहे. सुमोनाने एक मोठी पोस्ट लिहिली आहे. आणि अगदी अडचणीच्या काळात वॅक्सिंग केल्यामुळे किती त्रास झाला हे तिने या पोस्टमध्ये मांडल आहे. वॅक्सिंगमुळे तिच्या स्कीनवर एवढी रॅश आल्याचं तिने सांगितलं आहे. 11 जुलैला तिने वॅक्सिंग केलं पण त्यानंतर तिला 17 जुलैला देखील त्याचा त्रास झाला असल्याचं या पोस्टमध्ये सांगितलं आहे. तसेच यापुढे कुणीही ऑनलाईन ब्युटी प्रोडक्टस घेऊन आपल्या त्वचेची वाट लावू नये असं देखील तिने आपल्या चाहत्यांना सांगितलं आहे.