आधी प्रेमात पाडलं आणि मग...; तुम्हाला माहितीये का? Rakhi Sawant आणि आदिलची Love Story
Valentine`s Day Special : राखी सावंत आणि आदिल खानची लव्ह स्टोरी तुम्हाला माहितीये का? जाणून घ्या कशी सुरु झाली ही लव्ह स्टोरी...
Rakhi Sawant and Adil Khan Love Story : बॉलिवूडची ड्रामा क्वीन राखी सावंत (Rakhi Sawant) ही गेल्या काही दिवसांपासून तिचा पती आदिल खानसोबतच्या नात्यामुळे चर्चेत होती. राखीनं आदिल खान दुरानीवर (Adil khan) गंभीर आरोप केले आहेत. त्यानंतर पोलिसांनी त्याला अटक केली. दरम्यान, राखीनं आदिलबाबत अनेक धक्कादायक खुलासे केले आहेत. दरम्यान, राखी सावंतची लव्ह स्टोरी ही खूप कमी लोकांना माहितच नाही आहे. आज व्हॅलेंटाईन डे आहे आणि राखी एकटी पडली आहे. पती रितेशपासून विभक्त झाल्यानंतर राखी आदिलसोबत रिलेशनशिपमध्ये आली होती. त्यानंतर त्यांनी मुस्लिम पद्धतीनं विवाह केला. दोघांनी नेहमीच एकमेकांवरचे प्रेम व्यक्त केले मात्र, आज ते सोबत नाहीत.
राखी सावंत आणि आदिलची भेट ही एका कॉमन फ्रेंडच्या मदतीनं सुरु झाली होती. त्यानंतर दोघं फॅशन शोमध्ये भेटले आणि त्यानंतर त्यांनी नंबर एक्सचेंज केले. आदिलनं सांगितलं की तो राखीशी रात्रभर बोलायचा कारण रितेशपासून विभक्त झाल्यानंतर ती खूप वाईट परिस्थितीत होती. या सगळ्यात त्या दोघांना एकमेकांशी कसे प्रेम झाले हे त्यांना कळलेच नाही.
काही महिन्यांनंतर ते दोघे रिलेशनशिपमध्ये आले. आदिल राखीला घेऊन दुबईला गेला आणि त्यानं तेथे तिच्यासाठी प्रॉपर्टी खरेदी केली आणि त्याच्या बहिणींशी ओळख देखील करून दिली. राखी जेव्हा मराठी बिग बॉसमध्ये गेली तेव्हा आदिल तिला भेटायला शोमध्ये गेला होता. त्यानंतर त्यानं शोमध्ये राखीला प्रपोज केलं.
हेही वाचा : अफेअरमुळे चर्चेत असलेल्या Jacqueline Fernandez चा इंटिमेट व्हिडीओ Viral
दरम्यान, काही दिवसांपूर्वीच राखीनं सोशल मीडियावर पोस्ट शेअर करत खुलासा केला होता की तिनं आणि आदिलनं विवाह केला आहे. राखीनं त्यांच्या कोर्ट मॅरेजचे फोटो देखील शेअर केले. त्या दोघांच्या गळ्यात लग्नाचा हार आहे आणि हातात कोर्ट मॅरेजचं सर्टिफिकेट आहे.
राखी सावंतने 'मराठी बिग बॉस 4' मध्ये वाइल्डकार्ड एन्ट्री केली आणि बाहेर पडताच लोकांना एक मोठा धक्का दिला. राखीने सर्वप्रथम आपल्या आईच्या आजाराविषयी माहिती दिली आणि आणि लोकांना आईसाठी प्रार्थना करण्याचे आवाहन केले. यानंतर राखीने एक मोठा धक्का दिला. राखीने उद्योगपती आदिलसोबतच्या लग्नाचा खुलासा केला. त्यानंतर आदिल खान विरोधात पोलिसांकडे तक्रार देखील केली. एवढे करून सुद्धा राखी सावंतने तिच्या इन्स्टाग्रामपेजवरुन आदिल खानबरोबरचा बेडरुममधील व्हिडीओ शेअर केला आहे. या व्हिडीओमध्ये राखी व आदिल रोमान्स करताना दिसत आहेत. तसेच आदिल राखीला किस करत असल्याचंही व्हिडीओमध्ये दिसून येत आहे. हा व्हिडीओ शेअर करत राखीने कॅप्शनमध्ये तुटलेले हार्ट इमोजी पोस्ट केले आहेत. राखी व आदिलचा हा व्हिडीओ सोशल मीडियावर प्रचंड व्हायरल होत आहे.