दीपिका- रणवीरच्या सुखी संसारा मागचं `हे` आहे मोठं रहस्य

मुंबई : रणवीर सिंग आणि दीपिका पादुकोण यांनी 6 वर्षे डेटिंग केल्यानंतर एकमेकांसोबत आयुष्य घालवण्याचा निर्णय घेतला आणि 2018 साली लग्नगाठ बांधली. दोघांनाही बॉलिवूडचे परफेक्ट कपल म्हणता येईल. चित्रपट असो वा कार्यक्रम, दोघेही एकमेकांच्या प्रेमात पडलेले दिसतात. 

कदाचित त्यामुळेच या दोघांनी कपल गोल सेट केल्याचं म्हटलं जातं. पण, करिअर, आयुष्य आणि इतर गोष्टींमध्ये चढ-उतार असतानाही रणवीर-दीपिकाचं नातं दिवसेंदिवस घट्ट होत गेल्याचं रहस्य काय आहे? याबद्दल जाणून घेण्याचा प्रयत्न करुया. 

एकमेकांचा भूतकाळ स्वीकारणे

दीपिकाचे रणबीर कपूरसोबतचे नाते बरेच दिवसांपासून होते हे सर्वांनाच माहीत आहे. दोघे विभक्त झाल्यावर दीपिकाला मोठा धक्का बसला. दीपिकाने मुलाखतीत अनेकदा सांगितले आहे की, ती देखील तिच्या भूतकाळामुळे नैराश्याची शिकार झाली होती. पण रणवीर सिंगला भेटल्यानंतर ती भूतकाळातून बाहेर आली. रणवीर सिंगने तिचा भूतकाळ स्वीकारला.

जीवनात तुमच्या जोडीदाराचा समावेश करा

रणवीर आणि दीपिका नेहमीच एकमेकांना त्यांच्या आयुष्यात सामील करण्याचा प्रयत्न करतात. इतर काम करणा-या जोडप्यांनी देखील हे करणे आवश्यक आहे. याचा सर्वात मोठा फायदा म्हणजे जोडीदारालाही तुमच्या आयुष्यात काय चालले आहे याची माहिती असते.

असे झाले तर त्याला तुमचे व्यस्त वेळापत्रक, कामाचे दडपण इत्यादी चांगल्या प्रकारे समजेल आणि 'प्रेम कमी झाले आहे' किंवा 'अंतर वाढत आहे' असे विचार त्याच्या मनात येणार नाहीत.

एकमेकांच्या आयुष्यात प्राधान्य

रणवीर आणि दीपिका दोघेही एकमेकांना त्यांच्या प्राधान्यक्रमाच्या यादीत सर्वात वर ठेवतात. दोघंही शूटिंगमध्ये बिझी असोत किंवा कुठल्यातरी इव्हेंटमध्ये, त्यांना नेहमी बोलायला, भेटायला आणि एकत्र वेळ घालवण्यासाठी वेळ मिळतो.

दीपिकाने स्वतः एकदा एका मुलाखतीत सांगितले होते की, ती नेहमीच रणवीरच्या प्राधान्य यादीत शीर्षस्थानी असते आणि यामुळे तिला खूप खास वाटते.

एकत्र वेळ घालवा

जे काही क्षण तुम्ही कामानंतर बाहेर पडता किंवा सुट्टीसाठी गेलात किंवा डिनर डेटला गेलात. यासह, तुम्हा दोघांची आउटिंग होईल, तसेच तुम्हाला एकत्र वेळ घालवण्याची संधीही मिळेल. तुम्ही रणवीर आणि दीपिकाला अनेकदा असे करताना पाहिले असेल, ज्यांच्या आठवणी ते फोटोंच्या रूपात टिपून सोशल मीडियावर शेअर करत असतात