लोकांमध्ये एक गैरसमज आहे की फिटनेस किंवा वजन कमी करण्यासाठी फक्त जिमला जाणे महत्त्वाचे आहे. पण वजन कमी करण्यासाठी आणि आपले शरीर सुढौल करण्यासाठी महागडी जिम हा एकच पर्याय नाही. दररोज न चुकता पायऱ्या चढ-उतार केल्यासही चरबी झरझर कमी होते. तुम्ही जिने चढ-उतार करून जबरदस्त कार्डिओ एक्सरसाइज करु शकता. पायऱ्यांवर लंजेस आणि स्क्वॅट्स करुन वेगवेगळे व्यायाम प्रकार देखील करू शकता. यासाठी फक्त जिने चढ-उतार करणे गरजेचे आहे. अशी एक्सरसाइज करताना तुम्हाला रिझल्ट कसा आणि किती मिळेल हे तुमच्या स्पीड आणि इंटन्सिटीवर अवलंबून आहे.  


किती कॅलरीज बर्न करू शकता 



COMMERCIAL BREAK
SCROLL TO CONTINUE READING

तुम्ही किती कॅलरीज बर्न करता ते व्यायामाच्या तीव्रतेवर आणि कालावधीवर अवलंबून असते. जर तुम्ही हळू चढत असाल तर तुम्ही कमी कॅलरी जाळाल, तर जर तुम्ही वेगाने चढत असाल तर तुम्ही जास्त कॅलरी जाळाल. सर्वसाधारणपणे, एखादी व्यक्ती 30 मिनिटे पायऱ्या चढून 500 कॅलरीज बर्न करू शकते.


कोणत्या वेळी जाणवेल परिणाम?


वजन कमी करण्यासाठी, कॅलरीची कमतरता निर्माण करणे महत्वाचे आहे, जे कॅलरीच आहारातून घेता ते शारीरिक ऍक्टिविटी करुन कमी करून केले जाऊ शकते. अंदाजे 500 ग्रॅम कमी करण्यासाठी, तुम्हाला 3,500 ची कॅलरी तूट निर्माण करावी लागेल. जर तुम्ही दररोज 30 मिनिटे व्यायाम केलात तर तुमचे वजन दोन ते चार आठवड्यांत कमी होऊ शकते.


15 मिनिटे पायऱ्या चढा


सर्वात महत्त्वाची गोष्ट म्हणजे वेळ, तुम्ही किती वेळ व्यायाम करता किंवा तुम्ही एका दिवसात किती पायऱ्या चढता. दिवसातून 100 पायऱ्या चढून तुम्ही वजन कमी करण्याची अपेक्षा करू शकत नाही. कोणतेही परिणाम पाहण्यासाठी, तुम्हाला दररोज किमान 15 मिनिटे पायऱ्या चढणे आवश्यक आहे. तुम्ही पहिल्या आठवड्यात हळू सुरू करू शकता आणि नंतर हळूहळू वेळ वाढवू शकता. आठवड्यातून किमान 4-5 दिवस हे करा.


वर्कआऊटचा स्पीड 



तुमच्या वर्कआउटचा वेग तुमच्या वेळेइतकाच महत्त्वाचा आहे. व्यायामाचा फायदा होण्यासाठी, तुम्हाला तुमच्या कम्फर्ट झोनच्या बाहेर जाऊन थोडे कष्ट करावे लागतील. जितक्या वेगाने तुम्ही व्यायाम कराल तितक्या वेगाने तुमचे वजन कमी होईल.


यासोबत कोणता व्यायाम कराल


पायऱ्या चढल्याने तुमचे वजन नक्कीच कमी होईल, पण जर तुम्ही तुमच्या व्यायामासोबत पुश-अप्स, ट्रायसेप डिप्स, स्टेप-अप्स अशा आणखी काही गोष्टींचा समावेश केला तर तुमचे वजन आणखी वेगाने कमी होईल आणि तुमचे स्नायूही मजबूत होतील.


 पायऱ्या कशा चढाव्यात


सुमारे 15 मिनिटे पायऱ्या चढून खाली चालणे हा वजन कमी करण्यासाठी एक आदर्श वेळ मानला जातो. यासाठी तुम्हाला प्रथम 2 मिनिटे पायऱ्या चढून वॉर्म-अप करावे लागेल. त्यानंतर हळूहळू तुमचा वेग वाढवा आणि 5 मिनिटे वेगाने पायऱ्या चढून वर जा. शेवटच्या 2 मिनिटांत, तुमच्या शरीराचे तापमान सामान्य स्थितीत आणण्यासाठी पुन्हा हळूहळू पायऱ्या चढून वर जाणे सुरू करा.