Shubhvivah Beauty Tips : लग्न सराईला धामधुडाक्यात सुरुवात झाली आहे. अनेकांची लग्नासाठी तयारी जोरात सुरु झाली आहे. कोणत्याही मुलीसाठी लग्न करणे ही एक मोठी पायरी असते आणि नवीन वधूला या दिवशी नेहमीच सर्वात सुंदर दिसण्याची इच्छा असते. ज्या मुलींचे लग्नाआधी वजन जास्त असते त्या मुली वजन कमी (Wegint Loss) करण्यासाठी विशेष मेहनत घेतात. मग अशावेळेस त्या क्रॅश डाएट (Diet) आणि व्यायाम (exercise) करण्याचा प्रयत्न करतात. जर तुम्ही लग्नाआधी डाएटिंगचा विचार करत असाल आणि लग्नाला फक्त 1 महिना बाकी आहे, तर प्रयत्न करा की तुमचा आहार असा असावा की तुमच्या शरीरात कमजोरी येणार नाही. (Indian Wedding If you are thinking of dieting before marriage do not make these mistakes at all nz)


COMMERCIAL BREAK
SCROLL TO CONTINUE READING

लग्नाआधी जर तुम्ही डाएटिंगचा विचार करत असाल तर लक्षात ठेवा त्या डाएटिंगमुळे तुम्हाला त्रास होणार नाही. नेहमीच लहान गोष्टींपासून सुरुवात करायची जेणेकरुन कोणत्याही त्रासाला सामोरे जावं लागणार नाही. विशेषत: डाएटिंग सुरु करण्यापूर्वी आपल्याला शरीराची क्षमता ओळखणे खूप महत्त्वाचे आहे. चला तर मग जाणून घेऊ कोणत्या चुका टाळाव्यात.



1. लहान मील्स खा


सुरुवात लहान मील्सपासून करावी. यामुळे तुमच्या रक्तातील साखरेची पातळी कमी होण्यास मदत होईल आणि तणावही कमी होईल. ही एक चांगली वजन व्यवस्थापन रणनीती आहे. जर फळे किंवा भाज्या तुमच्या आहारात ठेवल्या तर हा एक चांगला पर्याय ठरू शकतो. यामुळे पोट भरलेले राहते आणि त्याचबरोबर पोषणाची कमतरता भासणार नाही.



2. 40-45 ग्रॅम प्रथिने घेणे आवश्यक आहे


जेव्हा आपल्या शरीरात प्रोटीनची (protein) कमतरता असते तेव्हा वारंवार भूक लागते. अशा परिस्थितीत मासे, अंड्यातील पिवळ बलक, दुग्धजन्य पदार्थ इत्यादींचा आहारात नेहमी समावेश करा. ते तुम्हाला लवकर भूक लागू देणार नाहीत आणि तुम्हाला जास्त त्रास होणार नाही.



3. कॅल्शियम नेहमी तुमच्या आहारात असले पाहिजे


कॅल्शियममुळे (Calcium) हाडे तर मजबूत होतातच पण त्वचा चांगली राहते. तुमच्या आहारात भरपूर कॅल्शियम असले पाहिजे. पूरक आहार घेण्यापूर्वी, आपण आहार तज्ञाशी बोलणे आवश्यक आहे. जर तुमच्या आहारात कॅल्शियमची कमतरता असेल तर ते तुमच्या त्वचेवरही पडेल आणि तुमचे शरीरही कमजोर होईल.



4. पाण्याचे सेवन वाढवा


तुम्हाला हे लक्षात ठेवावे लागेल की जर तुमचे शरीर हायड्रेटेड नसेल तर तुमची त्वचा देखील चांगली दिसणार नाही आणि तुम्हाला फुगण्याची समस्या देखील होईल. अशावेळी तुमच्या शरीरात दररोज 2-3 लिटर पाण्याचे प्रमाण ठेवा.



5. नारळ पाणी मदत करेल


तुमची त्वचा आणि पचनसंस्थेसाठी तुम्ही नारळाचे पाणी प्यायला हवे. ते तुमची त्वचा, केस आणि पचनसंस्थेसाठी खूप चांगले आहे. होय, ते खूप थंडीत पिऊ नका अन्यथा सर्दी होऊ शकते. हे दिवसातून दोनदा प्यायल्याने चांगले परिणाम मिळू शकतात.



(वरील माहिती सामान्य संदर्भांच्या आधारे देण्यात आली आहे. गरज वाटल्यास तज्ज्ञांचा सल्ला घ्यावा.)