वजन कमी करण्यासाठी ज्यूस डाएट घेताय; मग हे जरूर वाचा

वजन कमी करण्यासाठी ज्यूस डाएट घेणं योग्य ठरणार का हा प्रश्न अनेकांच्या मनात असतो.

मुंबई : वाढलेलं वजन कमी करण्यासाठी आपण विविध पद्धतींचा वापर करतो. यामध्ये अनेकजण ज्यूस डाएटचा पर्याय निवडतात. काही लोकांचा असा समज आहे की, ज्यूस डाएट घेतल्याने वजन आणि चरबी कमी होण्यास मदत होते. मात्र हे योग्य आहे का? वजन कमी करण्यासाठी ज्यूस डाएट घेणं योग्य ठरणार का. 

वजन कमी करण्यासाठी हेल्दी खाण्याची गरज आहे. ज्युसेस हेल्दी स्नॅक्सचा उत्तम पर्याय आहे. परंतु, वजन कमी करण्यासाठी इतर अन्नपदार्थांऐवजी ज्युस पिणं योग्य नाही. त्वचा चांगली राहण्यासाठी आणि वजन कमी होण्यासाठी अनेकजण भाज्या, फळांचा ज्यूस पितात. डिटॉक्सिफिकेशनसाठी ज्यूस डाएट फायदेशीर ठरतं. परंतु, वजन कमी करण्यासाठी ज्यूस डाएट घेणे योग्य नाही. 

ज्यूस डाएट घेणं का टाळावं?

गोड खाण्याची इच्छा

ज्युसेस मध्ये काही प्रमाणात साखर असतं. ज्यूस प्यायल्याने रक्तातील साखरेचं प्रमाण वाढतं. यामुळे शरीरातील सेलला साखरेचा पुरवठा करण्यासाठी इन्सुलिनची निर्मिती होते. शरीरातील सेल्समध्ये साखरेचं शोषण होतं आणि तुम्हाला थकल्यासारखे वाटते. त्यानंतर शरीराला ऊर्जा मिळवण्यासाठी अधिक साखर खाण्याची इच्छा होते. 

कमी प्रोटीन

ज्युस डाएट मधून तुमच्या शरीराला गरजेचे असणारे प्रोटीन्स कमी प्रमाणात मिळतात. मसल बिल्डिंग आणि वजन कमी करण्यासाठी फायदेशीर ठरतात. रोगप्रतिकारशक्ती चांगली ठेवण्यासाठी प्रोटीन्सची मदत होते.

पोषक घटक मिळत नाही

फळे, भाज्यांमधून तुम्हाला फायबर, प्रोटीन तसंत मिनरल्स सारखे शरीराला गरजेचे असणारे घटक मिळतात. परंतु, फक्त ज्युस डाएटमुळे तुम्हाला हे पोषक घटक मिळत नाहीत.