Raw tomato Benifits : आज धावपळीची जीवनशैली आणि चुकीचा डाएट यामुळे अनेकांना मधुमेह (diabetes) झालेला दिसतो. मधुमेह एकदा मागे लागला की मग त्याची खूप काळजी घ्यावा लागतो. त्याला कंट्रोलमध्ये ठेवावे लागते. मधुमेहामध्ये अनेक वेगवेगळे उपचार सांगितले जातात. आज आम्ही तुम्हाला टोमॅटोचे महत्त्व सांगणार आहोत. टोमॅटोत लायकोपीन, अँटिऑक्सिडंट्स, व्हिटॅमिन सी आणि फायबर असते. जे मधुमेही रुग्णांसाठी अधिक महत्त्वाचे असते. मधुमेहामध्ये दररोज 1 कच्चा टोमॅटो खाल्ल्याने शरीराला अनेक समस्यांपासून वाचवता येते. व्हिटॅमिन सी हा रोग प्रतिकारशक्ती वाढवतो. ज्यामुळे संसर्गजन्य रोगांपासून संरक्षण करण्यास मदत करते. (raw tomato benefits in diabetes)


COMMERCIAL BREAK
SCROLL TO CONTINUE READING

टोमॅटोमध्ये असलेलं लायकोपीन हे हृदयरोगात देखील महत्त्वाचे ठरते. यामुळे रक्तवाहिन्या निरोगी राहतात. रक्तसंचार सुधारतो ज्यामुळे हृदयविकार होत नाहीत. कच्चा टोमॅटो खाल्याने वजन संतुलित राहते. पोटाचा मेटाबॉलिक रेटही चांगला राहतो.


टोमॅटोमध्ये असलेल्या ऍसिडमुळे पचनक्रिया सुधारते. यामुळे आतड्याची हालचाल बरोबर राहते आणि तुम्हाला बद्धकोष्ठतेची समस्या होत नाही. म्हणून, जर तुम्हाला मधुमेह असेल आणि तुम्हाला स्वतःला निरोगी ठेवायचे असेल तर दररोज 1 कच्चा टोमॅटो खा आणि मधुमेहातील या सर्व समस्यांपासून दूर राहा.


टोमॅटोमध्ये (Tomato) कार्बोहायड्रेट्सचे प्रमाण कमी असल्याने रक्तातील साखर वेगाने वाढत नाही. कच्चा टोमॅटो साखर वाढण्यास प्रतिबंध करतो आणि मधुमेह नियंत्रित करण्यास मदत करतो. तसेच कच्च्या टोमॅटोमध्ये स्टार्च कमी असतो आणि त्यांचा ग्लायसेमिक इंडेक्स कमी असतो. ज्यामुळे फायदा होतो.