आता, बँकांमध्येही तयार होणार तुमचे आधार कार्ड!

रायपूर : नोव्हेंबर महिन्यापासून तुम्हाला तुमचे आधार कार्ड बँकेतही बनवून मिळणार आहेत. तसंच यापूर्वी बनवण्यात आलेल्या आधार कार्डांमध्ये काही चुका असतील तर त्या त्रुटीही बँकांमध्ये सुधारल्या जातील. 

ही सुविधा प्रत्येक बँकेच्या दहा शाखांपैंकी एका शाखेत उपलब्ध असेल. या शाखांमध्ये मशीन लावण्यात येणार आहेत तसंच कर्मचारीही नियुक्त करण्यात येतील. 

आपल्या बँकेच्या शाखांना यासाठी तयारी करण्याचे निर्देश बँकांना देण्यात आले आहेत. 

बँक खात्यांना आधार लिंक करण्यात होणारा उशीर टाळण्यासाठी ही व्यवस्था केली जातेय. त्यामुळे आधार लिंकचं काम लवकर होऊ शकेल. यासाठी एसीबीआय, पीएनबी समवेत सर्व प्रमुख बँकांच्या दहा शाखांपैंकी एका शाखेला निवडलं जाईल. 

त्यामुळे उपभोक्ते बँकांमध्ये खातं उघडण्यासोबतच आपलं आधार कार्डही बनवून घेऊ शकतात.