Commercial LPG Cylinders Rates : ऑक्टोबरच्या पहिल्याच दिवशी महागाईचा झटका लागला आहे. कमर्शिअल एलपीजी गॅस सिलेंडरच्या दरात 209 रुपयांनी वाढ झाली आहे. कमर्शिअल एलपीजी गॅस सिलेंडरची किंमत वाढून आता 1731.50 रुपये झाली आहे. ऑइल मार्केटिंग कंपन्यांनी रविवारी कमर्शिअल एलपीजी सिलेंडरची किंमत 209 रुपयांनी वाढवली आहे. या किंमती आजपासून लागू केले जाणार आहे. 


किती झाली सिलेंडरची किंमत?


COMMERCIAL BREAK
SCROLL TO CONTINUE READING

हा निर्णय ओएमसीकडून 1 सप्टेंबर ते कमर्शिअल एलपीजी सिलेंडरची किंमत 158 रुपयांची कपात केल्यानंतर एक महिन्यांनी हा निर्णय घेतला आहे. कमर्शिअल सिलेंडरची किंमत 1522 रुपयांवरून वाढून 1731.50 रुपये झाला आहे. केंद्र सरकारने ऑगस्टमध्ये देशभरातील सर्व  कनेक्शनधारकांसाठी घरगुती एलपीजी सिलिंडरच्या किमती 200 रुपयांनी कमी केल्याच्या अवघ्या एका महिन्यानंतर व्यावसायिक एलपीजी सिलिंडरच्या किमतीत नवीनतम वाढ झाली आहे.


घरगुती सिलेंडरचे किती झाले दर 


व्यावसायिक आणि घरगुती दोन्ही एलपीजी सिलिंडरची किंमत दर महिन्याच्या पहिल्या दिवशी सुधारित केली जाते. याआधी ऑगस्टमध्येही ऑइल मार्केटिंग कंपनीने व्यावसायिक एलपीजी सिलिंडरच्या किमती 99.75 रुपयांनी कमी केल्या होत्या. त्याचबरोबर जयपूरमध्येही व्यावसायिक सिलिंडर महाग झाले आहेत. मात्र, घरगुती एलपीजी सिलिंडरच्या दरात कोणतीही वाढ झालेली नाही. त्याचबरोबर व्यावसायिक एलपीजी सिलिंडर २०२ रुपयांनी महागला आहे. आता 1552 रुपयांऐवजी 1754 रुपयांना मिळणार आहे. तथापि, घरगुती एलपीजी सिलिंडरची किंमत 906 रुपये राहील. नवीन दर आजपासून लागू झाले आहेत.


या आधी किंमत कधी बदलली?


यापूर्वी 30 ऑगस्ट रोजी केंद्र सरकारने जनतेला महागाईपासून दिलासा दिला होता. यासाठी घरांमध्ये वापरल्या जाणाऱ्या एलपीजी गॅस सिलिंडरची किंमत २०० रुपयांनी कमी करण्यात आली आहे. या निर्णयानंतर दिल्लीत 14.2 किलो एलपीजी सिलिंडरची किंमत 903 रुपये झाली, जी आधी 1,103 रुपये होती. मुंबईत व्यावसायिक वापराचा सिलेंडर 1684 रुपयांनी वाढला.