जयपूर : ट्रा्न्सफॉर्मरचा स्फोट, ५ ठार, २२ जखमी

जयपूर : ट्रान्सफॉर्मरचा स्फोट होऊन ५ जण ठार तर, २२ जण जखमी झाल्याची घटना घडली आहे. ही घटना जयपूर जिल्ह्यातील शहापुर ठाणा परिसरात घडली.

घटनेबाबत अधिक माहिती देताना पोलीस अधिक्षक (ग्रामिण) रामेश्वर सिंह यांनी सांगितले की, ही घटना खातोलाई गावात एक विवाह सोहळा होता. या सोहळ्यादरम्यान पाहुण्यांचे स्वागत करण्याचा कार्यक्रम सुरू होता. हा सोहळा वीजेच्या ट्रान्सफॉर्मरनजीकच सुरू होता. दुर्दैवाने ट्रॉन्सफॉर्मरचा स्फोट झाला.

स्फोट होताच ट्रॉन्सफॉर्मरमध्ये असलेले तेल अनेकांच्या अंगावर उडाले. यात पाच जण ठार तर, २२ जण जखमी झाले. जखमींना जवळच्या रूग्णालयात उपचारासाठी दाखल करण्यात आले आहे.