मुंबई : हल्लीची लाइफस्टाइल इतकी विचीत्र आहे की, त्याचा परिणाम थेट आपल्या शरीरावर होत असतो. सध्याच्या धकाधकीच्या जीवनात आपली झोप गमावणारे खूपजण आहे. मनःशांती आणि आराम मिळवण्यासाठी प्रत्येकजण प्रयत्नशील आहे. अशावेळी काहीजण योगाचा मार्ग स्वीकारतात. तर काहींना योगा नकोसा वाटतो. अशावेळी अनोखी पद्धत प्रचलीत होत चालली आहे. याचा वापर गूगल आणि अल्फाफेटचे सीईओ सुंदर पिचाई यांनी देखील केला आहे. 


COMMERCIAL BREAK
SCROLL TO CONTINUE READING

एका मुलाखतीत स्वतः सुंदर पिचाई यांनी शांत झोपेचा मुलमंत्र सांगितला आहे. अगदी कमी वेळेत झोपूनही अतिशय फ्रेश वाटण्याकरता ही पद्धत अतिशय फायदेशीर आहे. 


ज्यांना योगा पसंत नाही त्यांना ही पद्धत अधिक फायदेशीर 


सुंदर पिचाई यांनी नॉन-स्ली रेस्ट (NSDR) तंत्राबद्दल सांगितले. त्याने सांगितले की मला स्वतःला योगा आवडत नाही. अशा परिस्थितीत आराम मिळण्यासाठी हे तंत्र खूप उपयुक्त आहे. झोपण्यापूर्वी असे केल्याने झोपही लवकर येते आणि सुमारे 6 तास झोपल्यानंतरही तुम्हाला पूर्णपणे ताजेतवाने वाटेल. तुम्ही स्वतः पाहिलं असेल की 10 तासांची झोप घेऊनही अनेकांना आराम वाटत नाही.


काय आहे NSDR टेक्नीक 


यामध्ये डोळे मिटून जमिनीवर झोपावे लागते. यानंतर, आपले शरीर आणि हात आणि पाय आरामशीर सोडा. त्यानंतर तुम्हाला एका गोष्टीवर लक्ष केंद्रित करावे लागेल. या दरम्यान तुम्ही मोकळे निळे आकाश किंवा अंधाऱ्या खोलीचा विचार करू शकता.


जेव्हा आपण हे करता तेव्हा, यावेळी आपण शरीराच्या वेगवेगळ्या भागांमधील संवेदनांकडे लक्ष दिले पाहिजे. पिचाई यांनी सांगितले की ते स्वत:ला रिलॅक्स वाटण्यासाठी या प्रकारचे तंत्र अवलंबतात. 


ज्या लोकांना झोप येण्यास त्रास होतो ते देखील याचे अनुसरण करू शकतात. याचे पालन केल्याने तुमची झोपही लवकर लागते. तसेच तणावही कमी होतो.


सुंदर पिचाई यांचा फिटनेस मंत्र 


सुंदर पिचाई यांनी सांगितलं की, दररोज ६ ते ७ तास झोप घेणे आवश्यक आहे. सकाळी ६ ते ७ वाजेपर्यंत झोप घेणे महत्वाचे आहे. 


तसेच गेल्या १५ वर्षांपासून एकाच प्रकारचा नाश्ता सुंदर पिचाई करत आहेत. 


सुंदर पिचाई आपल्या नाश्तामध्ये एग टोस्ट आणि चहा घेतात. तसेच नाश्तासोबत पिचाई यांना बातम्या वाचायला देखील आवडते.