लॅण्डिंग करताना हेलिकॉप्टरचा भीषण अपघात, पाहा व्हिडीओ

रायपूर : लॅण्डिंग करताना हेलिकॉप्टरचा भीषण अपघात झाला आहे. या अपघातात 2 वैमानिकांचा जागीच मृत्यू झाल्याची माहिती मिळाली आहे. हेलिकॉप्टर दुर्घटनेनंतरचा व्हिडीओ सोशल मीडियावर व्हायरल झाला आहे. या व्हिडीओमधून अपघाताची भीषणता समोर आली आहे. 

रायपूर इथल्या स्वामी विवेकानंद एअरपोर्टवर हा भीषण अपघात झाल्याची प्राथमिक माहिती मिळाली आहे. हेलिकॉप्टर लॅण्ड करताना हा अपघात झाला. या अपघातानंतर हेलिकॉप्टरचा चक्काचूर झाल्याचं पाहायला मिळालं. 

मुख्यमंत्री भूपेश बघेल यांनी दुर्घटनेवर ट्वीट करून शोक व्यक्त केला. या अपघाताची माहिती मिळताच पोलीस घटनास्थली दाखल झाले. कॅप्टन गोपाल कृष्ण पांडा आणि कॅप्टन एपी श्रीवास्तव यांचा मृत्यू झाल्याची माहिती मिळाली आहे.

ही दुर्घटना गुरुवारी रात्री 9.10 मिनिटांनी झाल्याची माहिती मिळाली. यावर भूपेश बघेल यांनी ट्वीट करून पायलटना श्रद्धांजली अर्पण केली. हा अपघात हेलिकॉप्टरमध्ये तांत्रिक बिघाड झाल्याने हा अपघात झाल्याची माहिती मिळाली आहे.