Petrol-Diesel Price on 19 March : आंतरराष्ट्रीय बाजारात कच्चा तेलाच्या दरात चढ-उतार पाहायला मिळत आहे. परिणामी आज भारतातील पेट्रोल आणि डिझेलचे (Petrol Diesel Rate) दर दररोज सकाळी 6 वाजता सरकारी तेल कंपन्या जारी करतात. यामध्ये आंतरराष्ट्रीय बाजारातील कच्च्या तेलाच्या किमतीच्या आधारे पेट्रोल-डिझेलचे दर निश्चित केले जातात. गेल्या काही दिवसांपासून जागतिक बँकांच्या संकटामुळे कच्च्या तेलाच्या किमतीत मोठी घसरण नोंदवली जात आहे. याचा परिणाम पेट्रोल-डिझेलच्या (Petrol Diesel Rate)  किमतींतवर दिसून येतो.


COMMERCIAL BREAK
SCROLL TO CONTINUE READING

आज, WTI क्रूड ऑइलमध्ये 2.36 टक्क्यांची घसरण झाली असून प्रति बॅरल $ 66.74 वर पोहोचले आहे. त्याच वेळी, ब्रेंट क्रूड ऑइलच्या किमतीत देखील 2.32 टक्क्यांहून अधिक घट झाली आहे आणि ते प्रति बॅरल $ 72.97 वर व्यवहार करत आहे. या घसरणीनंतरही रविवारी (19 March 2023) देशातील अनेक शहरांमध्ये पेट्रोल आणि डिझेलच्या दरात वाढ होताना दिसत आहे.


वाचा : आज लोकलने प्रवास करताय? मग मेगाब्लॉक कुठे, कसा जाणून घ्या... 


आजचे पेट्रोल-डिझेलचे दर


दिल्लीला लागून असलेल्या एनसीआर भागात आज अनेक ठिकाणी इंधन दरात बदल होताना दिसला आहे. नोएडामध्ये आज पेट्रोल 41 पैशांनी आणि डिझेल 38 पैशांनी महागले असून पेट्रोल 97.00 रुपये तर डिझेल 90.14 रुपये प्रति लीटरने विकले जात आहे. दुसरीकडे, हरियाणाच्या गुरुग्राममध्ये पेट्रोल 34 पैसे, डिझेल 33 पैशांनी महागले असून पेट्रोल 97.18 रुपये आणि डिझेल 90.05 रुपये प्रति लीटरने विकले जाते.  उत्तराखंडची राजधानी डेहराडूनमध्ये पेट्रोल 92 पैसे आणि डिझेल 67 पैसे स्वस्त दराने 95.21 रुपये आणि 90.29 रुपये प्रति लिटरने विकले जात आहे. यूपीची राजधानी लखनऊमध्ये आज पेट्रोल 10 पैसे आणि डिझेल 10 पैशांनी महागले आहे. आज रांचीमध्ये पेट्रोल 17 पैसे आणि डिझेल 17 पैशांनी महागले आहे. आज जयपूरमध्ये पेट्रोल 8 पैसे स्वस्त आणि डिझेल 8 पैसे 108.48 रुपये आणि डिझेल 93.72 रुपये प्रति लिटरने विकले जात आहे.


या शहरात पेट्रोल आणि डिझेलचे दर स्थिर


  • दिल्ली- पेट्रोल 96.72 रुपये आणि डिझेल 89.62 रुपये प्रति लिटर

  • चेन्नई - पेट्रोल 102.63 रुपये आणि डिझेल 94.24 रुपये प्रति लिटर

  • मुंबई- पेट्रोल 106.31 रुपये आणि डिझेल 94.27 रुपये प्रति लिटर

  • कोलकाता - पेट्रोल 106.03 रुपये आणि डिझेल 92.76 रुपये प्रति लिटर


दररोज सकाळी 6 वाजता नवीन दर जाहीर 


दररोज सकाळी 6 वाजता पेट्रोल आणि डिझेलचे नवीन दर जाहीर केले जातात. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.


घरबसल्या चेक करा नवे  दर 


तुम्ही घरबसल्या पेट्रोल-डिझेलचे नवे दर चेक करू शकता. त्यासाठी तुम्हाला इंडियन ऑइलचे ग्राहक RSP आणि त्यांचा शहर कोड टाइप करून 9224992249 वर एसएमएस पाठवून माहिती मिळवा आणि BPCL ग्राहक RSP आणि त्यांचा शहर कोड 9223112222 टाइप करून माहिती मिळवू शकतात.  त्याचबरोबर HPCL ग्राहक HPPprice आणि त्यांचा शहर कोड 9222201122 वर पाठवून किंमत जाणून घेऊ शकतात.