पेट्रोल, डिझेलचे दर पुन्हा वाढणार? सौदी अरेबियाच्या `या` घोषणेने जगभरात खळबळ

Petrol Diesel Price: जगातील कच्च्या पेट्रोलियमचा सर्वात मोठा उत्पादक असलेल्या सौदी अरेबियाने सध्या उत्पादन वाढवण्यास नकार दिला आहे. सौदी अरेबिया तेल उत्पादनात दररोज 10 लाख बॅरल कपात करत राहणार आहे. पेट्रोल डिझेलच्या किमती स्थिर ठेवण्यासाठी ही कपात केल्याचे त्यांनी सांगितले.

Petrol Diesel Price: आजकाल बहुतांशी घरांमध्ये एक ना एक वाहन आहे. त्यामुळे पेट्रोलचा संबंध येतो. तर आपल्या दैनंदिन वापराच्या वस्तू मोठ्या गाड्यांतून येतात. त्यामुळे डिझेलचा संबंध येतो. एकंदरीत पेट्रोल, डिझेल हे आपल्या दैनंदिन आयुष्यातील जिव्हाळ्याचे विषय बनले आहेत. यांच्या वाढलेल्या किंमतीचा आपल्या खिशावर थेट परिणाम होतो. दरम्यान जगात पेट्रोल आणि डिझेलच्या किमती सध्या उच्च पातळीवर राहतील, असे सांगण्यात येत आहे. जगातील कच्च्या पेट्रोलियमचा सर्वात मोठा उत्पादक असलेल्या सौदी अरेबियाने सध्या उत्पादन वाढवण्यास नकार दिला आहे. सौदी अरेबिया तेल उत्पादनात दररोज 10 लाख बॅरल कपात करत राहणार आहे. पेट्रोल डिझेलच्या किमती स्थिर ठेवण्यासाठी ही कपात केल्याचे त्यांनी सांगितले.

कोरोनामुळे पेट्रोल-डिझेलचे दर मंदावले 

कोरोना महामारीमुळे जगभरातील उद्योगांच्या उत्पादनात घट झाल्यामुळे पेट्रोल आणि डिझेलची मागणी खूपच कमी झाली होती. त्यामुळे त्याच्या किंमतीही मोठ्या प्रमाणात घसरल्या होत्या. कच्च्या तेलाच्या (पेट्रोल डिझेलच्या किमती) मंदावलेल्या किमतींना गती देण्यासाठी सौदी अरेबियाने यावर्षी जुलैपर्यंत तेल उत्पादनात दररोज 10 लाख बॅरल कपात करण्याची घोषणा केली होती. मात्र आता ही कपात सप्टेंबर अखेरपर्यंत सुरू ठेवण्याचा निर्णय घेण्यात आला आहे.

'गरज पडल्यास कपातीची मुदत वाढू शकते'

गरज भासल्यास, तेल उत्पादनातील या कपातीचे प्रमाण वाढवून ही मुदत आणखी वाढवली जाऊ शकते, असे सौदी प्रेस एजन्सीने ऊर्जा मंत्रालयाच्या अधिकाऱ्यांनी सांगितले. 'ऑर्गनायझेशन ऑफ द पेट्रोलियम एक्सपोर्टिंग कंट्रीज (OPEC) आणि सहयोगी देशांच्या खबरदारीच्या उपाययोजनांना बळ देण्यासाठी आम्ही ही अतिरिक्त ऐच्छिक कपात केली आहे. तेल बाजार स्थिर ठेवण्यासाठी (पेट्रोल डिझेलची किंमत) आणि समतोल राखण्यासाठी उत्पादनात कपात केली जात असल्याचे या अधिकाऱ्यांनी सांगितले.

ओपेक प्लस देशांनी घेतला निर्णय

OPEC आणि सहकार्य देश (OPEC Plus), पेट्रोलियम उत्पादक देशांची संघटना, कच्च्या तेलाच्या (पेट्रोल डिझेलच्या किंमती) कमी झालेल्या किमतींना गती देण्यासाठी उत्पादन कमी करण्याचा निर्णय घेतला आहे. या देशांनी पुढील वर्षापर्यंत उत्पादनात कपात सुरू ठेवण्याचे मान्य केले आहे. सुरुवातीला रशियाला हा निर्णय मान्य नव्हता पण नंतर त्यानेही या निर्णयाला संमती दिली. त्याचबरोबर अमेरिकेसह पाश्चात्य देश तेल उत्पादन वाढवण्याची मागणी ओपेक देशांकडे करत आहेत.