लखनऊ, उत्तर प्रदेश : Ration Card Online Apply : तुम्हाला देशातील सरकारी सुविधांचा लाभ घ्यायचा असेल तर त्यासाठी रेशन कार्ड (Ration Card) आवश्यक आहे. राज्य सरकार शिधापत्रिकाधारकांना अन्नधान्य, तेल आणि अनेक खाद्यपदार्थ देते. शासकीय शिधावाटप दुकानातून कमी दरात रेशन मिळण्यासाठी रेशनकार्ड यादीत नाव असणे आवश्यक आहे. (Ration Card New Rules) शिधापत्रिकेच्या यादीत तुम्ही तुमचे नाव कसे तपासू शकता हे तुम्हाला माहिती आहे का? आज आम्ही तुम्हाला घरबसल्या उत्तर प्रदेशातील रेशन कार्ड लिस्टमध्ये तुमचे नाव कसे तपासायचे ते सांगत आहोत. 


COMMERCIAL BREAK
SCROLL TO CONTINUE READING

ज्यांना रेशनकार्डच्या यादीत आपले नाव तपासायचे आहे त्यांना प्रथम fcs.up.gov.in या अधिकृत वेबसाइटवर जावे लागेल. 


वेबसाइटवर गेल्यावर तुम्हाला तेथे अनेक पर्याय दिसतील. त्यापैकी तुम्हाला शिधापत्रिकेची पात्रता यादी निवडावी लागेल. 
 
आता यूपीच्या सर्व जिल्ह्यांची यादी स्क्रीनवर दिसेल. येथे तुम्हाला तुमच्या जिल्ह्याचे नाव शोधून ते निवडावे लागेल.


तुम्ही तुमच्या जिल्ह्याचे नाव निवडल्यावर तुम्हाला ब्लॉकची यादी मिळेल. जर तुम्ही शहरी भागात रहात असाल तर तुमच्या ब्लॉकचे नाव शहरी यादीत शोधा आणि तुम्ही ग्रामीण भागात रहात असाल तर तुमचे नाव ग्रामीण भागातील यादीमध्ये निवडा.


ग्रामीण गटाचे नाव निवडल्यानंतर त्यामध्ये येणाऱ्या सर्व ग्रामपंचायतींची नावे दिसून येतील. यामध्ये तुम्हाला तुमच्या पंचायतीचे नाव शोधून ते निवडायचे आहे.


ग्रामपंचायत निवडल्यानंतर रेशन दुकानदाराचे नाव उघडेल. यासोबतच शिधापत्रिकेचा प्रकार जसे की पात्र कुटुंब आणि अंत्योदय लाभार्थी क्रमांक दिसेल. येथे तुम्हाला रेशन कार्डचा प्रकार निवडावा लागेल ज्यामध्ये तुम्हाला तुमचे नाव पाहायचे आहे.


तुम्ही शिधापत्रिकेचा प्रकार निवडताच, त्याखाली लाभार्थ्यांची यादी उघडेल. उत्तर प्रदेशच्या या रेशनकार्ड यादीमध्ये तुम्ही तुमचे नाव पाहू शकता. यामध्ये रेशनकार्ड क्रमांक, धारकाचे नाव, वडील/पतीचे नाव इत्यादी तपशील पाहता येतील.