Salary Overdraft: सॅलरी अकाउंटवरही मिळते ओव्हरड्राफ्टची सुविधा, गरजेच्या वेळी होते मदत

Salary Overdraft: नोकरदार वर्गाचं बँकेत सॅलरी अकाउंट असतं. या अकाउंटवर अनेक सुविधा मिळतात. पण याबाबत अनेकांना माहिती नसते. यापैकी एक म्हणजे सॅलरी अकाउंटवर (Salary Account) ओव्हरड्राफ्टची (Salary Overdraft) सुविधा मिळते. या सुविधेमुळे तुम्हाला अडचणीच्या काळात मदत होणार आहे. कठीण काळात पैशांची गरज असल्यास या माध्यमातून सोय होऊ शकते. सॅलरी ओव्हरड्राफ्ट हे एक प्रकारचं कर्ज आहे. या अंतर्गत तुम्ही तुमच्या पगार खात्यातून गरजेच्या वेळी जास्त रक्कम काढू शकता. ज्या बँकेत तुमचे सॅलरी अकाउंट आहे, त्याच बँकेत तुमचे पगार खाते असले पाहिजे. पगाराच्या ओव्हरड्राफ्ट सुविधेअंतर्गत, तुम्ही तुमच्या खात्यातून पगाराच्या दोन ते तीन पट रक्कम कर्ज म्हणून घेऊ शकता. तुमच्या खात्यात शिल्लक नसली तरीही तुम्ही खात्यातून पैसे काढू शकता. या प्रकारच्या सुविधेला शॉर्ट टर्म लोन असेही म्हणतात.

बँकांचे स्वतःचे नियम असतात

पगाराच्या ओव्हरड्राफ्टबाबत प्रत्येक बँकेचे स्वतःचे नियम असतात. काही बँका तुमच्या पगाराच्या दोन ते तीन पट ओव्हरड्राफ्ट सुविधा देतात. तर काही बँका ही सुविधा महिन्याच्या पगाराच्या 80 ते 90 टक्क्यांपर्यंतच देतात. सॅलरी ओव्हरड्राफ्ट अंतर्गत पैसे तुमचा रेकॉर्ड पाहून दिले जातात. यासाठी व्याजही भरावे लागेल. पण याचा व्याजदर क्रेडिट कार्ड किंवा पर्सनल लोनपेक्षा खूपच कमी आहे. तुम्ही खात्यातून काढलेली रक्कम ठराविक कालावधीत परत करावी लागते. व्याज डेली बेसिसवर कॅलक्युलेट केलं जातं.

बातमी वाचा- Success Story: वडिलांनी जमीन विकून मुलांना दिले 20 हजार रुपये, आता 3000 कोटींचा उद्योग

हा फायदा आहे

पर्सनल लोनपेक्षा ओव्हरड्राफ्ट सुविधा स्वस्त आहे. ओव्हरड्राफ्ट सुविधेचा एक फायदा असा आहे की, तुम्ही देय तारखेपूर्वी परतफेड केल्यास तुम्हाला प्रीपेमेंट शुल्क भरावे लागणार नाही. तर पर्सनल लोनमध्ये तुम्हाला प्रीपेमेंट चार्ज भरावा लागतो. याशिवाय तुमच्याकडे ओव्हरड्राफ्टची रक्कम असेल त्याच कालावधीसाठी व्याज भरावे लागते.