केसांवर रबर ऐवजी सापाला गुंडाळलं आणि खरेदी करायला पोहोचली महिला...व्हिडीओ
बापरे, ही कसली स्टाईल; सापाला गुंडाळत बांधले केस, पोहोचली खरेदीला, पुढे जे झालं ते...
नवी दिल्ली: सापाचं नुसतं नाव ऐकून काही लोकांच्या अंगावर काटा येतो. तर सापाला पाहून गोंधळ उडतो भीती वाटते. साप दिसला तरी आपलं मन अस्वस्थ होतं. मात्र एक महिला चक्क या सापाला आपल्या सोबत घेऊन फिरत असल्याचा एक व्हिडीओ समोर आला आहे. या व्हिडीओमध्ये महिला आपल्या डोक्यावर सापाला घेऊन फिरताना दिसत आहे.
या व्हिडीओमध्ये तुम्ही पाहू शकता की महिलेनं रबर बॅण्ड ऐवजी केसाला साप गुंडाळला आहे. तिला या सापाची अजिबात भीती वाटत नाही. तिने अगदी सहज या सापाला आपल्या डोक्यावर गुंडाळल्याचं दिसत आहे. ही महिला अशा अवस्थेत बाजारात खरेदी करण्यासाठी गेली. तिला पाहून सर्वजण हैराण झाले.
हा व्हिडीओ सोशल मीडियावर व्हायरल होताच 9 हजारहून अधिक लोकांनी पाहिला आहे. हा व्हिडीओ नेमका कुठला आहे हे अजून समजू शकलं नाही. मात्र सोशल मीडियावर या व्हिडीओची खूप चर्चा होत आहे. या महिलेनं चक्क रबर बॅण्ड नाही तर सापाला आपल्या डोक्यावर केसात बांधल्यानं युझर्सही हैराण झाले. हा व्हिडीओ वेगानं व्हायरल होत आहे.