दिवाळीच्या आधी मुल्तानी मातीत 3 पदार्थ मिसळून लावा, काचेसारखा चमकेल चेहरा
Multani Mitti For Glowing Skin: नॅच्युरल गोष्टीच चांगल्या असतात. चेहऱ्यावर कोणतीही क्रिम लावण्याशिवाय तुम्ही मुल्तानी मातीमध्ये 3 पदार्थ मिसळा. त्वचा अगदी चमकदार होईल.
आपली त्वचा चमकदार आणि त्यावर कोणतेही डाग नसावेत अशी प्रत्येक व्यक्तीची इच्छा असते. यासाठी लोक विविध प्रकारचे ब्युटी प्रॉडक्ट्स वापरतात आणि महागडे ब्युटी ट्रीटमेंटही करून घेतात. पण तरीही अपेक्षित असा परिणाम मिळत नाही. त्याच वेळी, बाजारात उपलब्ध असलेल्या बहुतेक उत्पादनांमध्ये हानिकारक रसायने असतात, ज्यामुळे त्वचेवर विपरित परिणाम होतात.
चमकदार त्वचा मिळविण्यासाठी तुम्ही काही घरगुती उपाय करून पाहू शकता. या घरगुती उपायांमध्ये मुल्तानी मातीचाही समावेश आहे. मुल्तानी माती त्वचेला एक्सफोलिएट करते. याशिवाय, ते त्वचेवरील घाण आणि अतिरिक्त तेल देखील काढून टाकते. याच्या वापराने मुरुम, डाग आणि टॅनिंगची समस्या दूर होऊ शकते. याव्यतिरिक्त, त्वचेचा रंग सुधारतो आणि चमक देखील वाढते. चमकदार त्वचा मिळविण्यासाठी मुल्तानी मातीचा वापर कसा करावा?
मुल्तानी माती आणि गुलाब पाणी
चमकदार त्वचा मिळविण्यासाठी तुम्ही गुलाब पाण्यात मिसळून मुल्तानी माती लावू शकता. यासाठी एका भांड्यात एक चमचा मुल्तानी माती घ्या. त्यात दोन चमचे गुलाब पाणी टाकून चांगले मिसळा. आता ही पेस्ट चेहऱ्यावर लावा आणि कोरडी राहू द्या. साधारण 15 मिनिटांनी चेहरा पाण्याने धुवा. यामुळे मुरुमे आणि डाग दूर होतील. याशिवाय त्वचेची चमकही वाढेल.
मुल्तानी माती आणि मध
तुम्ही मुल्तानी माती आणि मध चेहऱ्यावर लावू शकता. यामुळे त्वचेचे डाग आणि टॅनिंग दूर होईल. याशिवाय त्वचेची चमकही वाढेल. यासाठी एका भांड्यात एक चमचा मुल्तानी माती घ्या. त्यात एक चमचा मध घालून मिक्स करा. आता ही पेस्ट चेहऱ्यावर लावा आणि 10-15 मिनिटांनी पाण्याने धुवा. आठवड्यातून 1-2 वेळा याचा वापर केल्याने तुम्हाला निरोगी आणि चमकदार त्वचा मिळेल.
मुल्तानी माती आणि कोरफड
तुम्ही तुमच्या चेहऱ्यावर मुल्तानी माती आणि कोरफडही लावू शकता. कोरफडीमुळे त्वचा मुलायम आणि चमकते. शिवाय, त्वचेचा रंग सुधारण्यास देखील मदत होईल. यासाठी एक चमचा मुल्तानी माती आणि एक चमचा कोरफडीचे जेल चांगले मिसळा. आता ते चेहऱ्यावर लावा आणि सुमारे 15 मिनिटांनी पाण्याने धुवा. चांगल्या परिणामांसाठी तुम्ही आठवड्यातून 2-3 वेळा याचा वापर करू शकता.
(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)