मुलांचं कौतुक करताना सावधान, तुमच्या या 4 चुकांमुळे मुलं होतील जिद्दी आणि बेशिस्त
Parenting Tips : पालक मुलांचं कौतुक करतात पण त्याचा गैरफायदा तर घेतला जात नाही ना? काळजी पूर्वक वाचा पुढील आर्टिकल...
Praising your kid in healthy way:प्रत्येकाला स्तुती किंवा प्रशंसा आवडतेच मग ते कौतुक लहान मुलांना का आवडू नये. पण लहान मुलांचे कौतुक झाले तर त्यांना खूप आनंद होतो आणि प्रेरणाही मिळते. मुलांची स्तुती केल्याने त्यांचा आत्मविश्वास वाढण्यास मदत होते. एवढंच नव्हे तर अभ्यास आणि इतर गोष्टी करण्यासाठी त्यांना हुरूप येतो. पण, मुलांचे कौतुक करताना पालकांनीही काही गोष्टी लक्षात ठेवाव्यात. कारण, जर मुलांची जास्त प्रशंसा केली गेली तर ते अतिआत्मविश्वासू बनू लागतात आणि पालकांच्या प्रेमाचा फायदा देखील घेऊ शकतात. अशा परिस्थितीत पुढच्या वेळी मुलांचे कौतुक करताना या गोष्टी लक्षात ठेवा.
इतरांसमोर मुलाची स्तुती करू नका
मुलाच्या प्रयत्नांची प्रशंसा करा. जेव्हा जेव्हा तुमचे मूल कोणत्याही कठीण कामासाठी कठोर परिश्रम करते किंवा एखादे नवीन काम शिकण्याचा प्रयत्न करते तेव्हा त्या वेळी नक्कीच त्याचे कौतुक करा. परंतु, मुलाला तो सर्वोत्कृष्ट आहे हे सांगण्याऐवजी, त्याने केलेले प्रयत्न आयुष्यात किती महत्त्वाचे आहेत हे त्याला समजावून देण्याचा प्रयत्न करा. जसे की, उदाहरणार्थ जर मुलं आपली खोली साफ करत असेल किंवा त्याचे वेळापत्रक पाळायला शिकले तर त्याला सांगा की या गोष्टी त्याला शिस्त शिकण्यास कशी मदत करतील. यामुळे मुलाचा आत्मविश्वास वाढणार नाही.
इतरांसमोर बढाई मारू नका
आपल्या मुलाने लोकप्रिय व्हावे आणि त्याच्या चांगल्या सवयींबद्दल इतरांकडून प्रशंसा मिळवावी अशी प्रत्येक पालकाची इच्छा असते. परंतु, यासाठी मुलाची जास्त प्रशंसा करू नका. इतरांसमोर मुलाला 'जेनियर', 'हुशार', 'स्मार्ट' वगैरे म्हणू नका. खरं तर, मुले इतरांसमोर केलेल्या स्तुतीचा चुकीचा फायदा घेऊ शकतात आणि यामुळे त्यांचा आत्मविश्वास चुकीच्या मार्गाने आणि खूप वाढू शकतो.
अतिशयोक्ती करू नका
काही पालकांना आपल्या मुलाबद्दल इतरांशी बोलताना खोटी प्रशंसा करण्याची सवय असते. असे केल्याने मुले त्यांच्या चुकांमधून शिकण्याचा प्रयत्न करत नाहीत आणि शहाणे बनतात आणि ही सवय मोठी झाल्यावर त्यांच्या व्यक्तिमत्त्वाचा भाग बनू शकते.
इतर मुलांशी तुलना करू नका
एका मुलासमोर दुसऱ्या मुलाला त्याच्यापेक्षा चांगले आहे हे सांगणे ही मोठी चूक ठरू शकते. वास्तविक, अशा तुलनात्मक गोष्टीचा दोन्ही मुलांच्या मनावर विपरीत परिणाम होऊ शकतो. मुलाला इतर मुलांच्या चांगल्या सवयी शिकू द्या आणि तुमच्या मुलाने दुसऱ्या मुलामध्ये लक्षात घेतलेल्या चांगल्या गोष्टी करण्यास प्रोत्साहित करा.
(वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)