शाळांना सुट्ट्या पडल्या आणि लाँग विकेंड आला की, अनेकजण मुलांना घेऊन फिरायला जायचा प्लान करतात. फिरायला जाताना आपण त्या ठिकाणची माहिती घेतो अगदी त्याचप्रमाणे हॉटेल्समध्ये राहण्याअगोदर काही नियम जाणून घेणे गरजेे आहे. हॉटेल किंवा होमस्टे बुक करताना तेथील चेक आऊटची वेळ ही दुपारी 12 वाजताच का असते? या मागचं तर्कशास्त्र उत्तर समजून घेणे गरजेचे आहे. हा नियम बनवण्यामागे हॉटेलचा हेतू काय आहे? जर नसेल तर आज आपण याबद्दल जाणून घेणार आहोत. जे थोडे मनोरंजक आणि विचित्र देखील आहे.


COMMERCIAL BREAK
SCROLL TO CONTINUE READING

हॉटेल्समध्ये चेक-इनच्या वेळेबाबत कोणतेही नियम आणि कायदे नसतात, परंतु चेकआउटची वेळ दुपारी 12 वाजता ठरलेली असते, हे तुम्ही कधी लक्षात घेतले आहे. सोप्या शब्दात सांगायचे तर, मोठी किंवा छोटी हॉटेल्स तुमच्याकडून पूर्ण 24 तास भाडे आकारतात पण तुम्हाला 24 तास खोली मिळत नाही. अखेर यामागे हॉटेल्सचे तर्क काय? जर तुम्हीही या प्रश्नाचे उत्तर शोधत असाल तर हा लेख शेवटपर्यंत वाचा.


पहिले कारण


हॉटेल्स चेकआउटची वेळ 12 वाजता ठेवण्याची अनेक कारणे आहेत. याचे सर्वात महत्त्वाचे कारण म्हणजे हॉटेलच्या कर्मचाऱ्यांना खोल्या साफ करणे, बेडशीट, कव्हर बनवणे आणि इतर आवश्यक तयारीसाठी पूर्ण वेळ मिळतो. मात्र, ग्राहकांनी उशीरा चेक आउट केल्यास त्यांना या तयारीसाठी पुरेसा वेळ मिळत नाही. अनेकवेळा ग्राहक याबाबत तक्रारही करतात.


दुसरे कारण


सुट्टीच्या काळात, लोकांना उठणे आणि सहजतेने तयार होणे आवडते. त्यांची सोय लक्षात घेऊन, चेकआउटची वेळ सकाळी 9 किंवा 10 वाजता नाही तर 12 वाजता ठेवली आहे. यामुळे ते सहज तयार होऊ शकतात आणि इतर पाहुण्यांनाही कोणतीही अडचण येत नाही. तसेच प्रवासासाठी देखील ही वेळ योग्य ठरते. त्यामुळे चेक-आऊट 12 वाजता ठेवला जातो. 


तिसरे कारण


हॉटेल्स चेकआउटची वेळ 12 वाजता ठेवतात कारण चेकआउट उशीर झाल्यास, हॉटेल्सना सर्व काही त्वरीत व्यवस्थापित करण्यासाठी अधिक कर्मचारी नियुक्त करणे आवश्यक आहे. संपूर्ण काम एका स्टाफ सदस्यावर सोडले जाऊ शकत नाही. त्यामुळे त्यांचे बजेट वाढू शकते.अशावेळी दुपारी 12 ची वेळ ही योग्य वेळ ठरते. प्रवास करताना किंवा हॉटेलमध्ये रुम बुक करताना त्यामागची कारणे समजून घेणे गरजेचे असते. अशावेळी तुमचा प्रवास अधिक सुखाचा होतो.