पुण्यात एटीएम फोडणाऱी टोळी अटकेत

पुणे : पुण्याच्या वाघोली परिसरात शनिवारी रात्री एटीएम फोडणारी टोळी पोलीसांनी रंगेहाथ पकडली.  शनिवारी रात्री पुणे - अहमदनगर महामार्गावर वाघोली इथं साई सत्यम पार्क इथं चोरांनी एचडीएफसी आणि एसबीआय बॅकेचं एटीएम फोडलं होतं. 

त्यानंतर ऍक्सिस बँकेचे एटीएम चोरट्यांनी फोडण्याचा प्रयत्न केला. रात्री 2 वाजताच्या सुमारास मोटरसाइकल वरून आलेल्या 3 चोरांचा एटीएम फोडण्याचा प्रयत्न सुरु होता. 

रात्रीच्या गस्तीवर असलेल्या लोणीकंद पोलिसांच्या सतर्कतेमुळे चोरट्याचा एटीएम फोडण्याचा प्रयत्न फसला. गस्तीवरील पोलीसांनी एटीएम फोडण्याच्या प्रयत्नात असलेल्या दोन चोरट्याना अटक केली. तर, एक चोर फरार झाला.