अमरावतीत कारने तीन वाहनांना उडविले

बाजू काढण्याच्या नादात कारने तीन गाड्यांना जोरदार धडक देत उडविले. या अपघातात चार जण जखमी झालेत.

नांदगाव : अमरावती - यवतमाळ महामार्गावर नांदगाव खंडेश्वरजवळ भरधाव वेगाने येत असलेल्या बोलेरो गाडीने बाजू काढण्याच्या नादात तीन गाड्यांना जोरदार धडक देत उडविले. या अपघातात चार जण जखमी झालेत.

बोलोरो कारच्या धडकेत तीन गाड्यांचे मोठे नुकसान झाले. अपघातानंतर चालक पसार झाला आहे. तर चार जखमींना तातडीने रुग्णायलात हलविण्यात आले. घटनेची माहिती मिळताच नांदगाव पोलिसांनी घटनास्थळी धाव घेतली असता बोलेरो गाडीमध्ये गोमांस आढळून आले. त्यामुळे परिसरात खळबळ उडाली आहे.

पोलिसांनी  अज्ञात आरोपीविरुद्ध गुन्हा नोंदविला असून पुढील तपास सुरू आहे. या घटनेने पुन्हा एकदा गोमांस तस्करी सुरू असल्याचे उघड झाले आहे.